सासवड शहर, ता. २ : आचार्य अत्रे विकास प्रतिष्ठानच्यावतीने देण्यात येणाऱ्या ‘आचार्य अत्रे पुरस्कारां’ची घोषणा नुकतीच करण्यात आली. यावर्षीचा ‘आचार्य अत्रे साहित्य पुरस्कार’ मराठी साहित्यातील ज्येष्ठ लेखिका डॉ. संगीता बर्वे यांना, ‘आचार्य अत्रे पत्रकारिता पुरस्कार’ ज्येष्ठ पत्रकार जयंत माईणकर यांना तर ‘आचार्य अत्रे कलाकार पुरस्कार’ ज्येष्ठ दिग्दर्शक व शाहीर साबळे यांचे नातू केदार शिंदे यांना जाहीर करण्यात आला आहे. पुरस्कारांचे यंदाचे ३४वे वर्ष आहे.
पुरस्कार वितरण सोहळा १३ जून रोजी सासवडमधील डॉ. बाबासाहेब आंबेडकर सांस्कृतिक भवन येथे दुपारी चार वाजता संपन्न होणार असून आचार्य अत्रे स्मृती प्रतिष्ठानचे संस्थापक अध्यक्ष ॲड. बाबूराव कानडे यांच्या हस्ते हे पुरस्कार प्रदान करण्यात येणार आहे. प्रमुख पाहुणे म्हणून भारती सहकारी बँकेचे चेअरमन सी. ए. भाऊसाहेब कड उपस्थित राहणार आहेत, अशी माहिती प्रतिष्ठानचे अध्यक्ष विजय कोलते यांनी दिली. यावेळी मसाप सासवड शाखेचे अध्यक्ष प्रकाश खाडे, प्रतिष्ठानचे सचिव शांताराम पोमण, बंडूकाका जगताप, ॲड. दिलीप निरगुडे, वसंतराव ताकवले, डॉ. राजेश दळवी, कुंडलिक मेमाणे, शिवाजी घोगरे, गौरव कोलते, डॉ. अरुण कोळेकर, राजेंद्र चांदगुडे, जालिंदर जगताप, सुनील जगताप, उत्तम धुमाळ, अनिल क्षिरसागर, डॉ. राजेश दळवी, दादा मुळीक, शहाजी पवार व पदाधिकारी उपस्थित होते. आचार्य अत्रे विकास प्रतिष्ठान दरवर्षी आचार्य प्रल्हाद केशव अत्रे यांच्या १३ जून या स्मृतिदिनी पुरस्कार सोहळ्याचे आयोजन करत असते.
फोटो :
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.