जुन्नर, ता. १० : पारुंडे (ता. जुन्नर) येथे अल्पवयीन मुलींचे फोटो काढणाऱ्या परप्रांतीय तरुणाला ग्रामस्थांनी चोप देऊन पोलिसांच्या स्वाधीन केले.
मोहमद तौसिफ इलियास शेख (वय २४, सध्या रा. वडज, ता. जुन्नर), असे आरोपी तरुणाचे नाव आहे. तो अल्पवयीन मुलींच्या नकळत मोबाईलमध्ये चोरून फोटो काढत असे. तसेच, पाठलाग करून त्यांच्या मनास लज्जा उत्पन्न होईल, असे वर्तन करत होता. याबाबत पारुंडे गावचे सरपंच जयेश पुंडे यांनी फिर्याद दिली. जुन्नर पोलिसांनी तौसिफ यास ताब्यात घेतले. शेख याच्या विरोधात पोलिसांनी विविध कलमान्वये, तसेच बालकांचे लैंगिक अपराधापासून संरक्षण अधिनियमाचे कलमानुसार गुन्हा दाखल केला आहे.
शेख यास गावातील लोकांनी पकडले असता त्याच्या मोबाईलमध्ये गावातील व अन्य ठिकाणचे मुलींचे फोटो काढलेले आढळून आले. याबाबत त्यास विचारले असता त्याने उडवाउडवीची उत्तरे दिली. त्यामुळे त्यास पोलिसांच्या स्वाधीन केल्याचे सरपंच पुंडे यांनी सांगितले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.