कोरेगाव भीमा, ता. २९ : केसनंद (ता. हवेली) येथील जोगेश्वरी माता मंदिराच्या समोरील वळण रस्त्याने पुन्हा तिघा तरुणांचा बळी घेतल्याने या वळण रस्त्याच्या दुरुस्तीचा प्रश्न ऐरणीवर आला आहे.
दरम्यान रविवारी (ता.२८) रात्री झालेल्या अपघातात तीन युवकांच्या मृत्युमुळे सणसवाडी परिसरात हळहळ व्यक्त होत आहे. दरम्यान हा वळणरस्ता सरळ करावा, अशी स्थानिकांनी वेळोवेळी मागणी करूनही प्रशासनाकडून याबाबत अद्याप काहीच कार्यवाही न झाल्याची संतप्त स्थानिकांची तक्रार आहे.
थेऊर रस्त्यावर जोगेश्वरी मंदिरासमोर खूप मोठे धोकादायक वळण असून शेजारी वनविभागाने संरक्षक जाळी लावल्यामुळे ते वळण अजून तीव्र झाले आहे. यापूवी ही येथे जीवघेणे अपघात झाले आहेत. या रस्त्याचे काम चालू असताना माहिती सेवा समितीचे माध्यमातून अनेक वेळा वनविभागाच्या अधिकाऱ्यांना हे वळण सरळ करण्याबाबत विनंती केली. परंतु प्रशासनाच्या आडमुठ्या भूमिकेमुळे वळण सरळ न केल्याने अनेक अपघात झाले आहे. अनेकांना आपला जीव गमवावा लागला. प्रवाशांच्या जिवाशी होणारा खेळ तातडीने थांबवावा अन्यथा माहिती सेवा समितीच्या माध्यमातून त्याच ठिकाणी आंदोलन करण्यात येणार असल्याचा इशारा समितीचे अध्यक्ष चंद्रकांत वारघडे यांनी दिला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.