कोळवण, ता. १० : करमोळी (ता. मुळशी) येथील बेकायदा गावठी हातभट्टीवर पौड (ता. मुळशी) पोलिसांनी कारवाई केली.
करमोळी येथे मुळा नदी पात्रालगत काही व्यक्ती मोठ्या प्रमाणात बेकायदेशीर गावठी हातभट्टी दारू तयार करत असल्याची माहिती पोलिस निरीक्षक मनोजकुमार यादव यांना मिळाली. त्यांनी तत्काळ दोन पोलिस पथके तयार करून करमोळी गावात मुळा नदीच्या दोन्ही बाजूने छापा टाकला. त्याठिकाणी तीन व्यक्ती गावठी हातभट्टी दारू तयार करत होते. पोलिस आल्याचे पाहताच त्यांनी त्याठिकाणाहून पळ काढला. परंतु, पोलिसांनी पाठलाग करून त्यांना पकडले. या कारवाईमध्ये ४ लाख २० हजार रुपये किमतीचे १६ हजार ८५० लिटरचे ९ बॅरल, १४० लिटर हातभट्टीची तयार दारू, तसेच दारू तयार करण्यासाठी लागणारी उपकरणे, भांडी, २ अश्वशक्तीची पाण्याची मोटार, १ ॲक्टिव्हा दुचाकी, असा एकूण ४ लाख ८८ हजार रकमेचा मुद्देमाल जप्त केला.
याप्रकरणी पौड पोलिस ठाण्यात पुरुषोत्तम महिंद्रा बिरावत (रा. वारू, ता. मावळ), विर राम बिरावत (रा. करमोळी), नितीन देवेंद्र बिरावत (रा. करमोळी) यांना अटक करण्यात आली असून, कच्चे रसायन दारू जागेवर नष्ट केली.
या कारवाईत सहायक पोलिस निरीक्षक स्वाती सूर्यवंशी, सहायक फौजदार बाबा शिंदे, संतोष कुंभार, पोलिस हवालदार मनोज कदम, अनिता रवळेकर, पोलिस नाईक सचिन सलगर, अक्षय यादव, रेश्मा साठे यांनी सहभाग घेतली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.