मंचर, ता. १६ : ‘‘शिरूर लोकसभा मतदारसंघात काम केलेल्या कर्मचाऱ्यांना समान भत्ता न मिळाल्याने त्यांच्यामध्ये नाराजी पसरली आहे. याबाबत निवडणूक आयोगाने लक्ष देऊन सर्वांना समान भत्त्याचे वाटप करावे,’’ अशी मागणी दिव्यांग कर्मचारी संघटना अध्यक्ष शैलेंद्र चिखली यांनी केली आहे.
ते म्हणाले, ‘‘विधानसभा मतदारसंघांनुसार शिरूर, हडपसर व खेड येथे केंद्राध्यक्ष यांना एक हजार ७०० रुपये, मतदान अधिकारी यांना एक हजार ३०० रुपये, विधानसभा मतदारसंघ भोसरी येथे केंद्राध्यक्ष यांना एक हजार ६२५ रुपये, मतदान अधिकारी यांना एक हजार २२५ रुपये व विधानसभा मतदारसंघ आंबेगाव जुन्नर येथे केंद्र अध्यक्ष यांना एक हजार ४०० रुपये, मतदान अधिकारी यांना एक हजार रुपये इतकं मानधन स्वरूपात भत्ता दिले आहे. आंबेगाव विधानसभा मतदारसंघात ३३८ मतदार केंद्र आहेत. केंद्राध्यक्ष व मतदान अधिकारी यांची संख्या एक हजार ३५२ कर्मचारी आहेत. त्यांना प्रत्येकी तीनशे रुपये प्रमाणे चार लाख पाच हजार ६०० रुपये मतदान भत्ता वाटप केले आहे. ही रक्कम फारच कमी आहे. शिरूर लोकसभा मतदारसंघ एकच असल्यामुळे मतदारसंघात नेमणूक केलेले केंद्राध्यक्ष मतदान अधिकारी व कर्मचारी यांना सर्व विधान सभा मतदार संघात समान भत्ता देणे आवश्यक होते. परंतु प्रत्यक्षात तसे झाले नाही. याबाबत भारत निवडणूक आयोग यांच्याकडे समान काम, समान भत्ता देण्याबाबत विनंती करणार आहे.’’
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.