माळेगाव, ता. ६ : माळेगाव (ता. बारामती) येथील शिवनगर विद्या प्रसारक मंडळाने राष्ट्रीय शैक्षणिक धोरण अंतर्गत ‘स्कूल कनेक्ट संपर्क अभियान’ यंदाच्या शैक्षणिक वर्षात अधिक प्रभावीपणे राबविण्याचे नियोजन केले आहे.
नवीन राष्ट्रीय शैक्षणिक धोरण संदर्भात पालक व विद्यार्थ्यांमध्ये जनजागृती होण्याच्या दृष्टीने सावित्रीबाई फुले पुणे विद्यापीठाने ‘स्कूल कनेक्ट’ हे अभियान सुरू केले आहे.
बारावी नंतरचे विद्यार्थी व पालक यांना नवीन राष्ट्रीय शैक्षणिक धोरणाची संपूर्ण माहिती व्हावी हा या स्कूल कनेक्ट अभियानाचा उद्देश आहे. बारामती मधील विद्यार्थी आणि पालकांच्या सोयी करता सदरच्या अभियानाची कार्यशाळा मंगळवार (ता.११) रोजी आयोजित केली आहे.
ही कार्यशाळा शिवनगर येथील कॉलेज ऑफ कॉमर्स सायन्स अँड कॉम्प्युटर एज्युकेशन या महाविद्यालयात आयोजित केल्याची माहिती संस्थेचे सचिव डॉ. धनंजय ठोंबरे यांनी दिली.
‘‘नवीन शैक्षणिक धोरणानुसार बारावीनंतरच्या करिअरच्या संधी तसेच विद्यार्थ्यांकरिता उपलब्ध असलेल्या गुणवत्ता वाढीचे पर्याय याबद्दल या कार्यशाळेमध्ये तज्ञ व्यक्तीद्वारे मार्गदर्शन करण्यात येणार आहे, ही कार्यशाळा मोफत असून सहभागी विद्यार्थी व पालकांना प्रमाणपत्र देण्यात येणार आहे. त्यानुसार बारावी उत्तीर्ण झालेल्या इच्छुक विद्यार्थी व पालकांनी या कार्यशाळेत सहभागी व्हावे,’’ असे आवाहन महाविद्यालयाचे प्राचार्य डॉ. अजित चांदगुडे यांनी केले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.