माळेगाव, ता. ८ : बारामतीत एका सोव्हेनियर इंटरनॅशनल प्रा. लि. कंपनीच्या संचालक व त्यांच्या स्टाफने सहलीचे पॅकेज देतो, असे सांगून इंदापूर तालुक्यातील शेटफळगडे गावच्या महिलेची ६५ हजार रुपयांची फसवणूक केल्याची माहिती शनिवारी उघड झाली.
त्या प्रकरणी ज्योती हनुमंत कदम (वय ३०, व्यवसाय गृहिणी, रा. शेटफळगडे, ता. इंदापूर) यांनी शनिवारी बारामती तालुका पोलिस ठाण्यात सोव्हेनियर इंटरनॅशनल प्रा. लि. कंपनीच्या ११ संबंधित लोकांविरुद्ध फिर्याद दिली. उपलब्ध फिर्याद व प्रथमदर्शनी केलेल्या तपासाच्या आधारे पोलिसांनीही शनिवारी दुपारी आर्थिक फसवणूक करणे आदी कलमान्वये ११ जणांविरुद्ध गुन्हा दाखल केला. या प्रकरणाची संशयित आरोपींमध्ये असिया माजीद बेलिफ (रा. मुंबई), रवी प्रदीप चावरिया (धंदा-सेल्समन. मुब्रादेवी कॉलनी, ठाणे), असिफ निमाजुद्दीन अन्सारी
(रा. अलसफा हाईट, ठाणे), पृथ्वी रामजी परमार (रा. मानव कल्याण हॉस्पिटल दहिसर, मुंबई), सागर श्यामलाल गुप्ता (रा. मिलिंदनगर काटेमानवली रोड, कल्याण पूर्व), फयाद रियाज खान (रा. अनिस कंपाउंड साकीनाका अंधेरी), ऋषीकेश भिकाजी घाग (रा. मालाड पूर्व), यशोदरा राजेंद्रसिंग गडाळे (रा. जोगेश्वरी पूर्व), माधुरी वीरेंद्र दुणे (रा. ट्रामा हॉस्पिटल जवळ जोगेश्वरी), मशिमुक्तार सिद्दीकी (रा. बांद्रा पूर्व मुंबई), अक्षय हनुमंत शिंदे (रा. मुंबई) यांचा समावेश आहे. सहाय्यक फौजदार दत्तात्रेय लवंडे वरील प्रकरणाचा पुढील तपास करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.