नारायणगाव, ता. १० : ‘‘शिरूर लोकसभा मतदारसंघातील मायबाप जनतेच्या सेवेसाठी व मतदारसंघातील प्रलंबित विकास कामे मार्गी लावण्यासाठी पुढील पाच वर्षांसाठी मालिका क्षेत्रातील अभिनयाला मी पूर्णपणे ‘राम- राम’ करण्याचा निर्णय घेतला आहे,’’ अशी ग्वाही शिरूर लोकसभा मतदारसंघातील महायुतीचे उमेदवार व खासदार डॉ. अमोल कोल्हे यांनी दिली.
खासदार डॉ. कोल्हे यांच्यावर गायब खासदार, नटसम्राट असा शिक्का विरोधकांनी निवडणूक प्रचारात लावला. सामाजिक माध्यमातून हाच मुद्दा विरोधकांनी प्रचारात लावून धरला आहे. त्यावर, ‘खासदाराचे काम दिल्लीत असते गल्लीबोळात नसते’ असे सांगण्याचा प्रयत्न डॉ. कोल्हे यांनी केला. याबाबत ते म्हणाले, ‘‘माझ्या विरोधात प्रचार करण्याचा कोणताही मुद्दा विरोधकांकडे शिल्लक नाही. मागील पाच वर्षे मी निःस्वार्थी भावनेने काम केले आहे. जनतेने ही निवडणूक हातात घेतली आहे. माझा विजय निश्चित आहे. त्यामुळे पुढील पाच वर्षांसाठी माझ्या मालिका क्षेत्रातील अभिनयाला मी पूर्णविराम देण्याचा निर्णय घेतला आहे. शिरूर लोकसभा मतदारसंघातील मायबाप जनतेच्या सेवेसाठी, मतदार संघातील प्रलंबित विकास कामे मार्गी लावण्यासाठी मी कटिबद्ध आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.