नारायणगाव, ता.१२ : येथील कोल्हेमळा (ता. जुन्नर) शिवारात रविवारी (ता.१२) सायंकाळी बिबट्याची दीड ते दोन वर्षांची मादी मृत अवस्थेत सापडली. या मादीला शिवविच्छेदनासाठी माणिक डोह येथील निवारा केंद्रात हलविले आहे, अशी माहिती वनपाल अनिता होले यांनी दिली.
कोल्हेमळा येथील राजेंद्र महादेव कोल्हे सायंकाळी त्यांच्या कोल्हे मळा येथील चारंग बाबा मंदिराजवळ असलेल्या उसाच्या शेतात गेले होते. यावेळी त्यांना शेताच्या कडेला असलेल्या रस्त्यावर बिबट्या आढळून आला. याबाबतची माहिती त्यांनी वनविभागावर दिली असता घटनास्थळी वनरक्षक ज्ञानेश्वर पवार,आपदा मित्र सुशांत भुजबळ, ग्राम सुरक्षा रक्षक दल जवान अदित्य डेरे, वन कर्मचारी खंडू भुजबळ दाखल झाले. मृत बिबट मादीला शिवविच्छेदनासाठी माणिक डोह येथील निवारा केंद्रात दाखल केले. दोन बिबट्यांच्या झटापटीमध्ये बिबट मादीचा मृत्यू झाला असल्याचा प्राथमिक अंदाज वनरक्षक ज्ञानेश्वर पवार यांनी व्यक्त केला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.