नारायणगाव, ता. ७ : वडगाव कांदळी (ता. जुन्नर) येथील अर्चना लक्ष्मण करगळ (वय १८, मूळ रा. गाजीपूर-ढवळपुरी, ता. पारनेर, जि. नगर) या तरुणीने विहिरीत उडी मारून आत्महत्या केली. ही घटना गुरुवारी सायंकाळी सात वाजण्याच्या सुमारास घडली, अशी माहिती नारायणगाव पोलिस ठाण्याचे सहाय्यक पोलिस निरीक्षक महादेव शेलार यांनी दिली.
पारनेर तालुक्यातील लक्ष्मण करगळ हे मेंढपाळ असून, सध्या वडगाव कांदळी येथे स्थायिक आहेत. त्यांची मुलगी अर्चना ही सायंकाळी सात वाजण्याच्या सुमारास बेपत्ता झाली. मुलीला बिबट्याने नेले असल्याचा संशय आल्याने याबाबतची माहिती त्यांनी वनरक्षक ज्ञानेश्वर पवार, पोलिस पाटील सुशांत भुजबळ यांना दिली. त्यानंतर नारायणगाव पोलिस ठाण्याचे सहाय्यक पोलिस निरीक्षक शेलार, वनरक्षक पवार, अपाद मित्र भुजबळ घटनास्थळी तातडीने दाखल झाले. त्यांनी अर्चना हीचा शोध परिसरात घेतला, मात्र ती आढळून आली नाही. रात्री नऊ वाजण्याच्या सुमारास वडगाव कांदळी येथील विहिरीजवळ अर्चना हिची चप्पल व ओढणी आढळून आली. विहिरीत अर्चना हिचा मृतदेह आढळून आला. जुन्नर येथील रेस्क्यू टीमचे सदस्य, पोलिस अधिकारी, कर्मचारी, वनविभाग व स्थानिक ग्रामस्थांच्या मदतीने मृतदेह विहिरीतून रात्री उशिरा काढण्यात यश आले.
अर्चना ही बारावी उत्तीर्ण झाली होती. तिने हे टोकाचे पाऊल का उचलले, याबाबत पोलिस चौकशी करत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.