उरुळी कांचन, ता. १६ : तडीपार असणाऱ्या अट्टल गुन्हेगारावर व त्याच्या साथीदारावर पूर्ववैमनस्यातून लोखंडी कोयत्याने वार केल्याची घटना लोणी काळभोर (ता. हवेली) येथील गारुडी वस्तीत बुधवारी (ता. १५) रात्री साडेबारा वाजण्याच्या सुमारास घडली. याप्रकरणी लोणी काळभोर पोलिस ठाण्यात पाच जणांवर गुन्हा दाखल केला असून, एकाला अटक केली आहे.
राज रवींद्र पवार (वय २५), सौरभ सुनील गायकवाड (वय १८, दोघे रा. कवडीपाट गुजरवस्ती, कदमवाकवस्ती, ता. हवेली) अशी जखमी झालेल्यांची नावे आहेत. तर, आकाश भाले (रा. गारुडी वस्ती, लोणी काळभोर, ता. हवेली), सदाम अन्सारी (रा. इंदिरानगर, कदमवाकवस्ती, ता. हवेली), सागर कारंडे, किरण चव्हाण, ऑगी ऊर्फ यश जैन (तिघेही रा. लोणी काळभोर, ता. हवेली) अशी गुन्हा दाखल झालेल्या आरोपींची नावे आहेत. यामधील आरोपी आकाश भाले याला अटक केली आहे. याप्रकरणी राज पवार याने लोणी काळभोर पोलिस ठाण्यात फिर्याद दिली आहे. त्यानुसार पोलिसांनी माहिती दिली की, गारुडी वस्ती येथे बुधवारी रात्री साडेबारा वाजण्याच्या सुमारास राज पवार व सौरभ गायकवाड हे दुचाकीवरून त्यांचा मित्र आकाश भाले याला भेटण्यासाठी आले होते. तेव्हा आरोपींनी भाले याच्याशी संगनमत करत जुन्या भांडणाचा राग मनात धरून राज याच्या पोटात लोखंडी पालघन मारली आणि त्याचा मित्र सौरभ याच्यावर लोखंडी कोयत्याने सपासप वार केले. या मारहाणीत दोघेही गंभीर जखमी झाले आहेत.
दरम्यान, राज हा लोणी काळभोर पोलिस ठाण्यातील रेकॉर्डवरील गुन्हेगार असून, त्याच्यावर अनेक गंभीर स्वरूपाचे गुन्हे दाखल आहेत. पुणे शहर, पिंपरी-चिंचवड आयुक्तालय व पुणे जिल्ह्यातून दोन वर्षांसाठी त्याला तडीपार केले होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.