पुणे, ता. १३ : मेट्रो सेवेचा विस्तार झाल्यावर पीएमपी प्रशासनाने प्रवाशांच्या सोयीसाठी मेट्रो स्थानकांना जोडणाऱ्या फिडर बस सेवा सुरू केली. सप्टेंबरमध्ये पुणे व पिंपरी-चिंचवड मिळून सुमारे दोन लाख १३ हजार ९५८ प्रवाशांनी प्रवास केला. यातून सुमारे २७ लाख रुपयांचे उत्पन्न पीएमपीला मिळाले. यासाठी १० बसच्या माध्यमातून दररोज २६ फेऱ्या झाल्या.
मेट्रोच्या प्रवाशांना शहरात आपल्या गंतव्य स्थानी जाता यावे, या करिता पीएमपी प्रशासनाने मेट्रो स्थानकाहून फिडरबसची सेवा सुरू केली. पुण्यात २२ आणि पिंपरी-चिंचवड चार फेऱ्या होतात. बसमार्ग मेट्रो शटल क्र. ३७ या मार्गावर प्रवाशांचा प्रतिसाद कमी असल्याने या मार्गात बदल करून पिंपरी मेट्रो स्टेशन ते आकुर्डी रेल्वे स्टेशन या मार्गावर धावत आहे. तसेच येत्या वनाज-रूबी हॉल क्लिनिकच्या सेवेचा विस्तार रामवाडीपर्यंत होणार आहे. तेव्हा ‘फिडर’ची सेवा रामवाडी स्थानकादरम्यान तसेच रामवाडी ते पुणे विमानतळ, अशी फिडर सेवा सुरू केली जाणार आहे. पुणे विमानतळासाठी दर १५ मिनिटांनी बस धावणार असल्याचे पीएमपी प्रशासनाने सांगितले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.