पुणे, ता. १३ ः मध्य रेल्वे प्रशासनाने सण, उत्सवांच्या काळात वाढती गर्दी लक्षात घेता विशेष रेल्वे सुरू करण्याचा निर्णय घेतला आहे. यात पुण्याहून अजनी व गोरखपूर या दोन रेल्वेचा समावेश आहे.

पुणे-अजनी एक्स्प्रेस १७ ऑक्टोबरपासून ते २८ नोव्हेंबरपर्यंत धावेल. पुण्याहून (गाडी क्रमांक ०२१४१) दर मंगळवारी दुपारी ३ वाजून १५ मिनिटांनी सुटेल. दुसऱ्या दिवशी पहाटे ४ वाजून ५० मिनिटांनी अजनीला पोचणार आहे. अजनी-पुणे एक्स्प्रेस (गाडी क्रमांक ०२१४२) दर बुधवारी अजनी येथून रात्री ७ वाजून ५० मिनिटांनी सुटेल. दुसऱ्या दिवशी सकाळी ११ वाजून ३५ मिनिटांनी पुण्याला पोचेल. दौंड, कोपरगाव, मनमाड, भुसावळ, शेगाव, अकोला, बडनेरा, धामणगाव आणि वर्धा आदी स्थानकावर थांबा देण्यात आला.

पुणे-गोरखपूर एक्स्प्रेस ही २० ऑक्टोबरपासून ते १ डिसेंबरपर्यंत धावेल. पुण्याहून (गाडी क्रमांक ०१४३१) दर शुक्रवारी दुपारी ४ वाजून १५ मिनिटांनी सुटेल. दुसऱ्या दिवशी रात्री ९ वाजता गोरखपूरला पोचेल. गोरखपूर हुन (गाडी क्रमांक ०१४३२) दर शनिवारी रात्री ११ वाजून २५ मिनिटांनी सुटेल. तिसऱ्या दिवशी सकाळी ६ वाजून २५ मिनिटांनी पुण्याला पोचेल. गाडीला दौंड कॉड लाइन, अहमदनगर, बेलापूर, कोपरगाव, मनमाड, भुसावळ, खांडवा, इटारसी, भोपाळ, बीना, वीरांगना लक्ष्मीबाई जंक्शन, ओरई, कानपूर, लखनौ, गोंडा, मानकापूर, बस्ती आणि खलीलाबाद आदी स्थानकावर थांबा देण्यात आला.