पुणे, ता. १० : घराच्या गच्चीत वा सभोवतालच्या जागेत कुंड्यांमध्ये विविध फुलझाडे वा सेंद्रिय भाजीपाला लागवडीचा विचार करत असाल तर परसबागेच्या नियोजनापासून ते कुंड्यांतील, वाफ्यातील रोपांच्या व्यवस्थापनाविषयी सविस्तर मार्गदर्शन करणारी ‘सेंद्रिय परसबाग’ ही विशेष कार्यशाळा रविवार (ता. १६) रोजी ‘सकाळ’ व ‘ॲग्रोवन’ संलग्न शैक्षणिक संस्था ‘एसआयआयएलसी’तर्फे पुण्यात आयोजिली आहे. कार्यशाळेत टेरेसवरील सेंद्रिय पद्धतीने भाजीपाला लागवड तंत्रज्ञानाविषयी पुण्यातील परसबाग विषयातील तज्ज्ञ अरुण सूर्यवंशी हे मार्गदर्शन करणार आहेत. सर्व प्रकारच्या कलमांचे प्रात्यक्षिक कार्यशाळेत दाखविले जाणार आहे. चहा, जेवण व डिजिटल प्रमाणपत्रासह प्रतिव्यक्ती शुल्क पंधराशे रुपये आहे. आगाऊ नोंदणी करणे आवश्यक आहे. अधिक माहिती व नावनोंदणीसाठी संपर्क : ९१४६०३८०३१

कार्यशाळेत काय शिकाल ?
- शून्यातून परसबाग निर्मिती
- कुंड्यांची निवड, कुंड्या भरण्याची पद्धत
- कुंड्यातील रोपांचे संगोपन
- सेंद्रिय वेलवर्गीय भाजा लागवड
- सेंद्रिय शेवगा, कढीपत्ता
- सेंद्रिय पद्धतीने फळझाड लागवड, नियोजन
- पाण्याचे वेळापत्रक
- टाकाऊ वस्तूंचा परसबागेसाठी वापर कसा करावा