अनधिकृत होर्डिंग्ज हटवा;
सुप्रिया सुळे यांची मागणी
पुणे, ता. १ ः पुणे व पिंपरी चिंचवड शहर तसेच जिल्ह्याच्या ग्रामीण भागात होर्डिंग्ज कोसळण्याच्या दुर्घटना घडू लागल्या आहेत. त्या टाळण्यासाठी अधिकृत होर्डिंग्जचे सुरक्षा ऑडिट करा आणि अनधिकृत होर्डिंग्ज त्वरित हटवा, अशी मागणी खासदार सुप्रिया सुळे यांनी ट्विटरद्वारे पालकमंत्री चंद्रकांत पाटील यांच्याकडे केली.
त्यांनी पुढे म्हटले आहे की, दोन्ही महापालिकांचे आयुक्त, पीएमआरडीए आयुक्त आणि जिल्हाधिकाऱ्यांकडून पालकमंत्र्यांनी अहवाल मागवून घ्यावा आणि संबंधित यंत्रणांना अनधिकृत होर्डिंग्ज काढण्याचा आदेश द्यावा. हिंजवडी येथे वादळी पावसात होर्डिंग कोसळले. सुदैवाने जीवितहानी झाली नाही. परंतु ते अधिकृत होते की अनधिकृत याची माहितीच महापालिकेकडे उपलब्ध नसल्याचे स्पष्ट झाले आहे. याशिवाय पुणे महापालिका हद्द आणि जिल्ह्यातही काही ठिकाणी यापूर्वी होर्डिंग्ज कोसळण्याच्या घटना घडलेल्या आहेत.
अनधिकृत होर्डिंग्जच्या विविध माध्यमांमध्ये प्रसिद्घ झाल्याचे बातम्यांचे दाखले सुळे यांनी दिले आहेत.
-----
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.