पुणे, ता. १४ : राज्यात वळवाच्या सरींनी हजेरी लावल्याने उन्हाचा चटका काही अंशी कमी झाला आहे. मध्य महाराष्ट्र, मराठवाडा, विदर्भात येत्या बुधवारी (ता. १५) वादळी वाऱ्यासह पावसाचा तर जळगाव, नाशिक, छत्रपती संभाजीनगर जिल्ह्यांत तुरळक ठिकाणी गारपिटीचा इशारा दिला आहे. कोकणात उष्ण लाटेचा इशारा (येलो अलर्ट) हवामान खात्याने मंगळवारी दिला.
राज्यात गेल्या २४ तासांमध्ये मुंबई, नगर, नाशिक, पुणे, सातारा, कोल्हापूर, सांगली जिल्ह्यांत अनेक ठिकाणी हलक्या ते मध्यम पावसाने हजेरी लावली. तुरळक ठिकाणी गारपीट झाली. ढगाळ आकाशामुळे उन्हाचा चटका कमी होत असून कमाल तापमान कमी-अधिक होत आहे. राज्यात ब्रह्मपुरी येथे उच्चांकी ४२.२ अंश सेल्सिअस तापमानाची नोंद झाली.
आग्नेय अरबी समुद्रात केरळजवळ चक्राकार वाऱ्यांची स्थिती आहे. त्यापासून मराठवाड्यापर्यंत हवेचा कमी दाबाचा पट्टा सक्रिय आहे. दक्षिण कर्नाटक परिसरावरील चक्राकार वाऱ्यांची स्थिती वरील कमी दाबाच्या पट्ट्यात विरून गेली आहे. बुधवारी मध्य महाराष्ट्र, मराठवाडा, विदर्भात वादळी वाऱ्यासह पावसाची शक्यता आहे. तर जळगाव, नाशिक, छत्रपती संभाजीनगर जिल्ह्यांत गारपिटीचा इशारा (येलो अलर्ट) दिला आहे. कोकणातील ठाणे, मुंबई, रायगड, रत्नागिरी सिंधुदुर्ग जिल्ह्यांमध्ये उष्ण लाटेचा इशारा दिला आहे.
राज्यातील उन्हाळा (आकडे अंश सेल्सिअसमध्ये) :
पुणे ३७.१, जळगाव ४१.८, कोल्हापूर ३६.७, महाबळेश्वर ३०.१, मालेगाव ४०.२, नाशिक ३७.८, सांगली ३७.३, सातारा ३८.२, सोलापूर ३९.५, सांताक्रूझ ३६.८, डहाणू ३६, रत्नागिरी ३६.२, छत्रपती संभाजीनगर ३८.३, बीड ४०.९, नांदेड ३८.६, धाराशिव ३८.६, परभणी ३९.१, अकोला ४१.८, अमरावती ४०.६, बुलडाणा ३९, ब्रह्मपुरी ४२.२, चंद्रपूर ४१.४, गोंदिया ३९.२, नागपूर ३८.९, वर्धा ४०.
उष्ण लाटेचा पावसाचा इशारा (येलो अलर्ट)
ठाणे, मुंबई, रायगड, रत्नागिरी, सिंधुदुर्ग.
वादळी पाऊस गारपिटीचा इशारा (येलो अलर्ट) :
नाशिक, जळगाव, संभाजीनगर.
वादळी पावसाचा इशारा (येलो अलर्ट) :
नंदुरबार, धुळे, नगर, पुणे, सातारा, सांगली, सोलापूर, कोल्हापूर, जालना, बीड, धाराशिव, वाशीम, गडचिरोली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.