पुणे, ता. १६ : ‘थडग्यातला सूर्य’ या कविता संग्रहातील कवी सुरेश वाकचौरे यांच्या कविता वेगळ्या वळणाने जाणाऱ्या विद्रोही कविता आहेत. या कवितांमध्ये विध्वंस नाही, तर विधायक विवेक आहे. काव्यामध्ये अनेकदा उपहासात्मक शैली जाणवते, परंतु भूमिका मात्र आत्मपरिक्षणात्मक आहे,’ असे मत अखिल भारतीय मराठी साहित्य संमेलनाचे माजी अध्यक्ष डॉ. श्रीपाल सबनीस यांनी व्यक्त केले.
कवी, प्रा. डॉ. सुरेश वाकचौरे लिखित ‘थडग्यातला सूर्य’ या काव्यसंग्रहाचे प्रकाशन डॉ. सबनीस यांच्या हस्ते झाले. त्या वेळी ते अध्यक्षपदावरून बोलत होते. हा कार्यक्रम महाराष्ट्र साहित्य परिषदेच्या माधवराव पटवर्धन सभागृहात आयोजित करण्यात आला होता.
प्रा. डॉ. सुरेश वाकचौरे, वंदना वाकचौरे, ललिता सबनीस, महाराष्ट्र आर्थिक विकास मंडळाचे उपाध्यक्ष सचिन इटकर, महाराष्ट्र साहित्य परिषदेच्या प्रमुख कार्यवाह सुनिताराजे पवार, साहित्यिक श्रीकांत चौगुले, ज्येष्ठ साहित्यिक दादाभाऊ गावडे उपस्थित होते.
अमृतमहोत्सवी वाढदिवसानिमित्त डॉ. सबनीस यांचा विशेष सन्मान करण्यात आला. सूत्रसंचालन संतोष घुले यांनी केले, तर आभार गजानन उफाडे यांनी मानले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.