पुणे, ता. ५ ः रेल्वेतून होणारी मानव तस्करी रोखण्यासाठी रेल्वे मंत्रालयाने महिला व बाल विकास मंत्रालयासोबत करार केला असून या अंतर्गत देशातील विविध स्थानकावर विशेष पथक तयार करण्यात आले आहे. पुणे स्थानकासह विभागात १३ पथकांची निर्मिती केली आहे.
मानवी तस्करी हा अत्यंत गंभीर विषय आहे. लहान मुलांना यातून वाचविण्यासाठी सरकार विविध स्तरावर प्रयत्न करते आहे. देशातील काही ठिकाणी रेल्वेद्वारे तस्करी झाल्याचा प्रकार घडला आहे. त्यामुळे रेल्वे प्रशासन या बाबतीत सतर्क झाले आहे. पुणे स्थानकावर स्थापन झालेल्या पथकात एक ‘आरपीएफ’ निरीक्षकासह जवानांचा समावेश आहे. ते स्थानकावर फिरून तसेच विविध रेल्वे गाडीत फिरून संशयीतरीत्या फिरणाऱ्या व्यक्तीवर, मुलांवर लक्ष ठेवून असतात. संशयितांची चौकशी देखील करण्यात येते.
पुणे स्थानकासह विभागात मानवी तस्करी रोखण्यासाठी विशेष पथक स्थापन केले आहे. हे २४ तास फलाटावरील व रेल्वे गाडीतील संशयास्पद हालचालीवर लक्ष ठेवून असतात. अद्याप पुणे स्थानकावर अशी कोणतेही घटना घडलेली नाही. मात्र आम्ही सदैव सतर्क आहोत.
- प्रियांका शर्मा, वरिष्ठ विभागीय सुरक्षा आयुक्त, पुणे
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.