पुणे : शहरात शनिवारी (ता. ८) सायंकाळी झालेल्या जोरदार पावसामुळे वाहतुकीचे तीन-तेरा वाजले होते. पावसामुळे वाहतुकीचा वेग मंदावला होता. तर प्रमुख रस्त्यांवरील अनेक चौकांतील वाहतूक दिवे यंत्रणाही बंद असल्यामुळे वाहनचालकांना कोंडीचा सामना करावा लागला.
गेल्या तीन दिवसांपासून शहरात पाऊस होत आहे. शनिवारी दुपारपासूनच ढगाळ वातावरण होते. त्यामुळे उकाडाही प्रचंड वाढला होता. दुपारनंतर मात्र पेठांसह उपनगरांत धुवाधार पावसाला सुरवात झाली. पावसाच्या या मुसळधार सरींमुळे रस्त्यांवर पाणी साचल्याने वाहनचालकांची चांगलीच तारांबळ उडाली होती. शहरातील प्रमुख रस्त्यावर कोंडी झाल्याने नागरिकांनी गल्लीबोळातील रस्त्याने इच्छित स्थळी जाण्यास सुरुवात केली. त्यामुळे छोट्या रस्त्यांवर वर्दळ वाढून तेथेही टप्प्या-टप्प्याने कोंडी निर्माण झाली होती. बाजीराव रस्ता, शिवाजी रस्ता, जंगली महाराज रस्ता, टिळक रस्ता, कर्वे रस्ता, सोलापूर रस्ता, नगर रस्ता, औंध रस्ता व गणेशखिंड रस्ता यांसह विविध भागांत कोंडी झाली होती. संध्याकाळी पाच ते आठ दरम्यान वाहतूक संथ झाली होती.
ठिकठिकाणी पाणीच-पाणी
शुक्रवारप्रमाणे (ता. ७) शनिवारी (ता. ८) झालेल्या पावसामुळे शहरातील अनेक भागांत पाणी चालले होते. त्या पाण्यातून मार्ग काढण्यासाठी वाहनचालकांना चांगलीच कसरत करावी लागली. पावसाच्या पाण्याचा निचरा होण्यासाठी रस्त्यांवर लावण्यात आलेल्या जाळ्या कचरा अडकल्याने जाम झाल्या होत्या. त्यामुळे सिंहगड रस्ता, दीपबंगला चौक यासह पेठांमधील सखल भागात मोठ्या प्रमाणात पाणी साचले होते.
१) कर्वे रस्ता : वाहतूक दिवे यंत्रणा बंद असल्याने मृत्युंजय मंदिराजवळ झालेली वाहतूक कोंडी. (12911)
२) कर्वे रस्ता : पावसामुळे वाहतुक संथ झाल्याने रस्त्यावर लागलेल्या वाहनांच्या रांगा. (B12912)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.