पुणे, ता. ९ : झाडाची फांदी डोक्यात पडल्याने तरुणाचा मृत्यू झाल्याची धक्कादायक घटना शनिवारी रात्री घडली. बिबवेवाडीतील पोकळे वस्ती परिसरात हा प्रकार घडला.
योगेश ज्ञानदेव वानेरे (वय २९, सध्या रा. पोकळे वस्ती, बिबवेवाडी, मूळ रा. वाघुड, ता. मलकापूर, जि. बुलढाणा) असे मृत्युमुखी पडलेल्या तरुणाचे नाव आहे.
या प्रकरणी बिबवेवाडी पोलिस ठाण्यात अकस्मात मृत्यू अशी नोंद करण्यात आली आहे. पोलिसांनी दिलेल्या माहितीनुसार, शनिवारी रात्री साडेअकराच्या सुमारास योगेश वानेरे आणि त्यांचे मित्र सुमीत बगाडे ओटा वसाहतीतील महादेव मंदिराजवळ गप्पा मारत थांबले होते. त्यावेळी झाडाची मोठी फांदी तुटली आणि योगेश यांच्या डोक्यात पडली. फांदी डोक्यात कोसळल्याने योगेश गंभीर जखमी झाले होते. त्यांना तातडीने ससून रुग्णालयात दाखल करण्यात आले होते. मात्र, उपचारापूर्वीच त्यांचा मृत्यू झाल्याचे डॉक्टरांनी सांगितले.
योगेश यांचे मित्र या घटनेत सुमीत बचावले. या घटनेची माहिती परिमंडळ एकचे पोलिस उपायुक्त संदीपसिंग गिल, सहाय्यक आयुक्त अश्विनी राख, बिबवेवाडी पोलिस ठाण्याचे वरिष्ठ पोलिस निरीक्षक विनय पाटणकर यांनी घटनास्थळी भेट दिली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.