पुणे, ता. ६ : पुणे शहरातील पर्वती व नवी पेठेतील सैनिकी मुलांच्या-मुलींच्या वसतीगृहाकरिता अशासकीय कर्मचाऱ्यांची निव्वळ तात्पुरत्या स्वरूपात भरती करण्यात येणार आहे. यासाठी माजी सैनिक, माजी सैनिकांच्या विधवा पत्नी व अन्य नागरिकांना येत्या २० जूनपर्यंत संबंधित वसतिगृहात अर्ज करता येणार आहेत.
पर्वती येथील सैनिकी मुलांच्या वसतीगृहामध्ये सहायक वसतिगृह अधिक्षकांची (पुरुष) ३, स्वयंपाकी (महिला) ८, सफाई कर्मचारी ३, माळी १ (पुरुष), पहारेकरी १ (पुरुष) आदी रिक्त पदे भरली जाणार आहेत. याशिवाय नवी पेठ येथील सैनिकी मुलींच्या वसतीगृहामध्ये सहायक वसतिगृह अधीक्षिका ३, स्वयंपाकी (महिला) ७, सफाई कर्मचारी २ (महिला), माळी १ (महिला किंवा पुरुष) आणि पहारेकरी १ (पुरुष) आदी रिक्त पदे भरली जाणार आहेत.
या कंत्राटी कर्मचारी भरतीच्या अधिक माहितीसाठी वसतिगृह अधीक्षक शेख अब्दुल यांच्याशी ७०२०४१०९५४ या मोबाईल क्रमांकावर आणि वसतिगृह अधीक्षिका मंगला कांबळे यांच्याशी ९५१८३७४८६३ या मोबाईल क्रमांकावर संपर्क साधावा, असे आवाहन जिल्हा सैनिक कल्याण अधिकारी लेफ्टनंट कर्नल एस. डी. हंगे (निवृत्त.) यांनी केले आहे.