औंध, ता. १ ः पुणे शहरात दारू पिऊन वाहन चालविणाऱ्या चालकांवर कारवाई होणे गरजेचे असून, त्यांची नियमित तपासणी करावी, अशी मागणी मनसेचे शहर उपाध्यक्ष सुहास निम्हण यांनी मुख्यमंत्री एकनाथ शिंदे यांच्याकडे पत्राद्वारे केली आहे. यासह गृहमंत्री देवेंद्र फडणवीस, पालकमंत्री अजित पवार यांनाही त्यांनी पोस्टाद्वारे पत्र पाठविले आहे. ३१ डिसेंबर व मार्चअखेरच्या तोंडावर दंड वसुलीसाठी कारवाई केली जाते. त्याला विशेष मोहीम असे नाव दिले जाते, परंतु ही कारवाई सतत चालू राहावी. अनेक चालक मद्यपान करून किंवा इतर प्रकारची नशा करून मध्यरात्री किंवा पहाटे भरधाव वाहने चालवतात. त्यामुळे अपघातांचे प्रमाण वाढले आहे. अशी वाहने जप्त करून चालकास किमान १५ दिवस ते महिनाभरासाठी कारागृहात ठेवले पाहिजे, अशी आमची आग्रही मागणी आहे, असे निम्हण यांनी सांगितले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.