पुणे : कृषी उत्पन्न बाजार समितीच्या मतदानावेळी बनावट आधार कार्ड तसेच पॅनकार्डचा वापर करून बोगस मतदान होण्याची शक्यता आहे. निवडणूक मतदानावेळी गैरप्रकार होऊन लोकशाही धोक्यात येऊ शकते. त्यामुळे प्रत्येक मतदाराचे आधार कार्ड स्कॅन करण्याची सोय मतदान केंद्रावर करावी, अशी मागणी व्यापारी-अडते मतदारसंघाचे उमेदवार सौरभ कुंजीर यांनी केली आहे. याबाबतचे निवेदन राज्य निवडणूक आयोग, निवडणूक निर्णय अधिकारी प्रकाश जगताप, पोलिस आयुक्तांना दिल्याचे कुंजीर यांनी सांगितले. कुंजीर म्हणाले, ‘‘उमेदवारांनी याबाबत सतर्क राहणे आवश्यक आहे. सर्व नियम पाळणे बंधनकारक आहेत. जो कोणी बोगस मतदान करण्याचा प्रयत्न करेल, त्याच्यावर गुन्हा नोंद होऊ शकतो.’’
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.