अडत्यांना आजपासून दंड
प्रतिज्ञापत्रासाठी बाजार समितीचे कठोर पाऊल
मार्केट यार्ड, ता. ३१ : डमी अडत्यांना चाप लावण्यासाठी पुणे कृषी उत्पन्न बाजार समितीचे संचालक मंडळ अखेर कठोर पाऊल उचलणार आहे. गाळ्यासमोरील मदतनिसांबाबत प्रतिज्ञापत्र सादर न केलेल्या अडत्यांना उद्यापासून (ता. १) एक हजार रुपयांचा दंड ठोठावण्यात येईल.
प्रतिज्ञापत्र सादर करण्याची मुदत ३१ जुलै रोजी संपत आहे. आतापर्यंत केवळ १८ अडत्यांनी प्रतिज्ञापत्र सादर केले आहे. फळ, भाजीपाला विभागात डमी अडत्यांचा सुळसुळाट झाला आहे. त्यामुळे मालाची दुबार विक्री होत. परिणामी शेतकऱ्यांना कमी भाव मिळतो. अशा परिस्थितीत नवनिर्वाचित संचालक मंडळाने कारवाईचा पवित्रा घेतला.
संचालक मंडळाने सुरवातीला बाजारातील विक्रीची वेळ निश्चित केली. त्यानंतर दोनच डमी व्यापारी असल्याचे लिहून देण्याची सूचना अडत्यांना दिली होती. यास अडत्यांनी विरोध केला. बाजार समितीने प्रारंभी ठरवून दिलेल्या १६ जुलैपर्यंतच्या मुदतीत एकाही अडत्याने प्रतिज्ञापत्र सादर केले नाही. याचे वृत्त सकाळने दिले होते.
---
मार्केट यार्डाला किरकोळ बाजाराचे स्वरूप येत आहे, मात्र बाजार घाऊक राहावा, तसेच शेतकऱ्यांच्या मालाला चांगला भाव मिळावा म्हणून दंडाचा निर्णय घेण्यात आला. याबाबत संबंधित विभाग प्रमुखांना सूचना देण्यात आली आहे. मंगळवारपासून दंड आकारण्यात येईल. यामुळे डमी अडत्यांना चाप बसेल.
- दिलीप काळभोर, सभापती, कृषी उत्पन्न बाजार समिती, पुणे
-----
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.