पुणे : शहरातील महिलांचे आणि तरुणांच्या खरेदीचे सर्वात आवडतीचे ठिकाण असलेली तुळशीबाग गेली 2 महिने बंद आहे. परंतु, आता तुळशीबाग 1 जूनपासून सुरू करण्याचा निर्णय होत आहे.
पुणे शहरातील महिलांची खरेदीसाठी तुळशीबागेत नेहमीच गर्दी असते. मात्र, लाॅकडाउनमुळे गेली दोन महिने तुळशीबाग बंद आहे. आता मात्र 1 जूनला तुळशीबाग सुरू करण्याचे विचार सध्या सुरू असून, दुकानदारांनी व कामगारांनी दुकानांची सफाई सुरू केली आहे. करोनाच्या प्रादुर्भावामुळे 16 ते 18 मार्चपर्यत तुळशीबागेतील व्यापाऱ्यांनी स्वयंस्फूर्तीने बंद पाळला होता. त्यानंतर राज्याने आणि नंतर केंद्राने लॉकडाउन जाहीर केला. त्यामुळे गेल्या अडीच महिन्यांपासून तुळशीबाग बंद होती. मात्र, तुळशीबाग ही प्रतिबंधित क्षेत्रातही नाही.
पुण्याच्या बातम्या वाचण्यासाठी येथे ► क्लिक करा
पुणे शहराच्या मध्यवर्ती ठिकाणी असलेल्या तुळशीबाग परिसरात सुमारे 300 दुकाने आहेत. एक दिवसाआड एक दुकान सुरू करण्याचा विचार आहे. त्याच बरोबर दुकाने सुरू करताना तुळशीबागेच्या सहा गल्ल्यांच्या एन्ट्री पॉईंटला सुरक्षा रक्षक नेमणार आहेत. खरेदीसाठी येणाऱ्या ग्राहकांचे सॅनिटायझेशन करणार असून, ग्राहकांचे तापमान तपासणार आहेत, अशी माहिती तुळशीबाग परिसर व्यापारी असोसिएशनचे सचिव नितीन पंडित व व्यापाऱयांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.