corona Sakal Media
पुणे

जुन्नर : लग्नसोहळ्यातील वऱ्हाडी मंडळीच निघाली कोरोना पॉझिटिव्ह

तेवीस जण निघाले कोरोना पॉझिटिव्ह

दत्ता म्हसकर ः सकाळ वृत्तसेवा

जुन्नर : धोंडकरवाडी-निमदरी (ता. जुन्नर) येथील एका लग्न सोहळ्यास उपस्थित वऱ्हाडी मंडळी कोरोना पॉझिटिव्ह आल्याने तालुक्यातील लग्नसोहळा हा पुन्हा एकदा चर्चेचा विषय झाला आहे. धोंडकरवाडी येथे नुकताच पार पडलेल्या घरगुती लग्नसोहळ्यात ही घटना घडली.

नवरदेव तसेच घरातील नातेवाईक वऱ्हाडी मंडळींचे कोरोना अहवाल पॉझिटिव्ह आले आहेत. यास येणेरे येथील प्राथमिक आरोग्य केंद्राच्या वैद्यकीय अधिकाऱ्यांनी देखील दुजोरा दिला आहे. कोरोना संशयित असलेली या घरातील वृद्ध महिलेचा मृत्यू झाल्याचे सांगण्यात आले. लॉकडाऊनमध्ये लग्न सोहळ्याला आवश्यक असणारी परवानगी घेतली असल्याचे पोलीस प्रशासनाकडून सांगण्यात आले. हा विवाह सोहळा मे महिन्याच्या पहिल्या आठवड्यात घरीच संपन्न झाला.

दुसऱ्या दिवशी सत्यनारायण महापूजा देखील झाली. या निमिताने पाहुणे मंडळींची हजेरी लागली होती. लग्नानंतर दोन दिवसांनी नवरदेव मुंबईला जाऊन आला होता. त्यानंतर त्यास त्रास होऊ लागल्याने कोरोना टेस्ट केली असता ती पॉझिटिव्ह आल्यामुळे लग्न सोहळ्याला उपस्थित असलेल्या संपर्कातील सुमारे ४० नातेवाईकांची कोरोना चाचणी लेण्याद्री येथे करण्यात आली. यात तेरा जण पॉझिटिव्ह निघाले. तर खासगी प्रयोगशाळेच्या तपासणीत सुमारे दहा जण पॉझिटिव्ह निघाले असे एकूण तेवीस जण पॉझिटिव्ह असल्याचे सांगण्यात आले. बहुतेक रुग्णात सौम्य लक्षणे असल्याचे वैद्यकीय अधिकाऱ्यांनी सांगितले. घरगुती पध्दतीने लग्न सोहळा झाला असला तरी मास्क व सॅनिटायझरचा वापर सामाजिक अंतर याबाबत फारशी काळजी न घेतल्याने एवढी मोठी रुग्ण संख्या वाढल्याची ग्रामस्थांमध्ये चर्चा आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Raj Thackeray: राज ठाकरेंची मोठी खेळी! मावळमध्ये अजित पवारांची कोंडी, मनसेचा बापू भेगडेंना पाठिंबा जाहीर

Shahu Chhatrapati: मधुरिमाराजेंनी उमेदवारी मागे का घेतली? शाहू छत्रपतींनी स्पष्टच सांगितले, म्हणाले...

Sports Bulletin 5th November: भारत-पाकिस्तानचे खेळाडू एकाच संघातून खेळणार ते २०३६ च्या ऑलिम्पिक आयोजनासाठी भारताचे पत्र

Shah-Yogi Maharashtra Rally : शहा अन् योगी महाराष्ट्रासाठी जीवाचं रान करणार! कोल्हापुरात मुक्काम, दुसऱ्या दिवशी चार सभा

Latest Marathi News Updates live : पुण्यातील नवले पुलावर 2 वाहनांचा अपघात, 3 जण गंभीर जखमी

SCROLL FOR NEXT