आंधळगाव, ता.१ : नागरगाव (ता.शिरूर) येथील शिरूर चौफुला रोडवर दोन दुचाकींची समोरासमोर टक्कर झाली. यामुळे झालेल्या अपघातात दोघांचा जागीच मृत्यू झाला. ही शुक्रवारी (ता. ३१) रात्री नऊच्या सुमारास घडली.
या अपघातात महादेव भगवान शेलार (वय ४३, रा.नागरगाव ता.शिरूर) व अनुज शिवाजी गायकवाड (वय २४, रा. केडगाव ता.दौंड) अशी मृत्यू झालेल्या दोघांची नावे आहेत. याबाबत हेमंत नंदकुमार शेलार (वय ४१, रा.नागरगाव ता.शिरूर) यांनी शिरूर पोलिस ठाण्यात फिर्याद दिली.

पोलिसांनी दिलेल्या माहितीनुसार, शेलार त्यांनी अपघात स्थळी जाऊन पाहिले तर तेथे मोटार सायकल (एम.एच ४२ ए. झेड ३५३९) व होंडा शाईन (एम. एच१२ एन. आर ६२२६) या दोन दुचाकीवरील दुचाकीस्वार रोडवर बेशुद्ध अवस्थेत पडलेले पाहिले. यामुळे महादेव व अनुज या दोघांना फिर्यादी व जमलेल्या नागरिकांनी रुग्णवाहिका बोलावून ग्रामीण न्हावरे येथील रुग्णालयात पाठविले. दरम्यान, डॉक्टरांनी त्या दोघांना तपासले असता उपचारापूर्वीच त्यांचा मृत्यू झाल्याचे घोषित केले. पुढील तपास पोलिस निरीक्षक जोतिराम गुंजवटे यांच्या मार्गदर्शनाखाली पोलिस उपनिरीक्षक अभिजित पवार करत आहे.

01214, 01215