पुण्यातील हडपसर भागात मध्यरात्री एका फायनान्स कंपनीच्या मॅनेजरचा निर्घृण खून करण्यात आला आहे. वासुदेव कुलकर्णी असे खून झालेल्या मॅनेजरचे नाव असून, ते शतपावली करत असताना त्यांच्यावर अज्ञात हल्लेखोरांनी धारदार शस्त्राने हल्ला केला. या घटनेनंतर परिसरात भीतीचे वातावरण निर्माण झाले आहे. दरम्यान, या घटनेच्या काही तासांपूर्वीच राष्ट्रवादी काँग्रेसचे माजी नगरसेवक वनराज आंदेकर यांच्यावर गोळ्या झाडून खून करण्यात आला होता. त्यामुळे पुण्यात १२ तासांत दोन खुनांच्या घटनांनी खळबळ उडाली आहे.
गेल्या काही दिवसांपासून पुण्यात गुन्हेगारी घटनांमध्ये वाढ झाली आहे. काल रात्री राष्ट्रवादी काँग्रेस पक्षाचे माजी नगरसेवक वनराज आंदेकर यांचा नाना पेठेतील त्यांच्या कार्यालयाजवळ पिस्तुलातून गोळ्या झाडून खून करण्यात आला होता. या घटनेचा ताजाच धक्का सावरला नसताना, हडपसर भागात रात्री फायनान्स कंपनीच्या मॅनेजरचा खून झाल्यामुळे शहरात भीतीचे वातावरण आहे.
घटनेची माहिती मिळताच पोलिसांनी घटनास्थळी धाव घेतली आणि तपास सुरू केला. वासुदेव कुलकर्णी हे पुण्यातील एक प्रतिष्ठित फायनान्स कंपनीत मॅनेजर म्हणून कार्यरत होते. त्यांच्या घरासमोर शतपावली करत असताना त्यांच्यावर हल्लेखोरांनी अचानक हल्ला करून त्यांचा खून केला. हल्लेखोर घटनास्थळावरून फरार झाले आहेत, त्यामुळे पोलिसांनी तात्काळ परिसरात कडक बंदोबस्त ठेवला आहे.
पोलिसांनी घटनास्थळाचा पंचनामा करून तपासाची सुरुवात केली आहे. या प्रकरणात अद्याप कोणतीही अटक झालेली नाही, मात्र पोलिसांनी काही संशयितांना ताब्यात घेतले आहे. वासुदेव कुलकर्णी यांच्या खुनाचं कारण अद्याप स्पष्ट झालेलं नाही. पोलिसांकडून हल्लेखोरांचा शोध घेण्याचे प्रयत्न सुरू आहेत आणि परिसरातील सीसीटीव्ही फुटेज तपासण्यात येत आहे.
पुण्यात १२ तासांत दोन खुनांच्या घटना घडल्याने नागरिकांमध्ये भीतीचे वातावरण निर्माण झाले आहे. या घटनांमुळे शहरात सुरक्षेच्या प्रश्नांवर चर्चा सुरू झाली आहे. पोलिसांकडून नागरिकांना सुरक्षित राहण्याचे आणि कोणत्याही संशयास्पद हालचाली दिसल्यास त्वरित पोलिसांना कळविण्याचे आवाहन करण्यात आले आहे.
पुण्यातील हडपसर आणि नाना पेठेतील या दोन खुनांच्या घटनांनी शहरात खळबळ उडाली आहे. पोलिसांकडून या दोन्ही घटनांचा सखोल तपास सुरू आहे. पुण्यातील गुन्हेगारीवर आळा घालण्यासाठी पोलिसांनी त्वरित कारवाई करणे आवश्यक आहे, अशी मागणी नागरिकांकडून केली जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.