वाघोली - विजेच्या धक्याने महावितरणचे दोन प्रशिक्षणार्थी तरुण भाजल्याची घटना वाघोलीतील तलेरा गोदामाजवळ मंगळवारी सकाळी १२ वाजण्याच्या सुमारास घडली. ते जास्त भाजली नसल्याची माहिती लोणीकंद पोलिसांनी दिली.

आरिफ खय्युम शेख (वय-२१ वर्ष, रा. बीड) व अनिकेत अंगण सावंत (वय-२१ वर्ष, रा. केज, बीड) अशी दोघांची नावे आहेत. पोलिसांनी दिलेल्या माहितीनुसार, ते प्रशिक्षणार्थी म्हणून काम करतात. मंगळवारी ते तलेरा गोदामाजवळ ट्रान्सफॉर्मरचा स्वीच बदलत असताना विजेचा धक्का लागून ते दोघेही भाजले.

यानंतर दोघानाही रुग्णालयात दाखल करण्यात आले. रवींद्र खांदवे यांनी याबाबत पोलिसांना माहिती दिली. त्यांची प्रकृती चांगली असल्याचे लोणीकंद पोलीस ठाण्याचे वरिष्ठ पोलीस निरीक्षक पंडित रेजितवाड यांनी सांगीतले.