Velhe : वांगणी (ता. राजगड) येथील तीर्थक्षेत्र मळाई देवी मंदिरास रविवार (ता. २३) रोजी केंद्रीय सहकार व नागरी हवाई वाहतूक राज्यमंत्री मुरलीधर मोहोळ यांनी सदिच्छा भेट दिली.

राज्यमंत्री स्वीकारल्यानंतर पहिल्यांदाच मुरलीधर मोहोळ यांची कुलदेवता असलेल्या वांगणी येथील मळादेवी मंदिरामध्ये मोहोळ यांच्या हस्ते अभिषेक करून आरती करण्यात आली .याप्रसंगी मळाई देवस्थान ट्रस्टच्या वतीने त्यांचे स्वागत करून सन्मान करण्यात आला.

यावेळी देवस्थान ट्रस्टच्या पदाधिकाऱ्यांनी तीर्थक्षेत्र कोंढणपूर येथील तुकाई माता मंदिर ते वांगणी येथील मळाई देवी मंदिर ही दोन्ही देवस्थाने जोडण्यासाठी पक्क्या रस्त्यासह तीर्थक्षेत्र विकासासाठी निधीची मागणी करण्यात आली.

यावेळी मंत्री मुरलीधर मोहोळ यांनी ट्रस्टच्या विविध मागण्या संदर्भात सकारात्मकता दर्शवून म्हणाले, श्री मळाई देवीच्या दर्शनाने मिळणारी सकारात्मक ऊर्जा चैतन्यदायी असून अनुभव देऊन जाते. श्री मळाई देवीच्या विकास आराखड्यासाठी निधीची कमतरता पडू देणार नाही. 'दरम्यान मोहोळ यांच्या हस्ते मंदिर परिसरामध्ये विविध झाडांचे वृक्षारोपण करण्यात आले.

याप्रसंगी वांगणी गावचे ज्ञानेश्वर चोरघे,उपसरपंच शिवाजी चोरघे, मनसे तालुकाध्यक्ष दिगंबर चोरघे, भाजपचे तालुका अध्यक्ष आनंद देशमाने,माजी सरपंच अशोक चोरघे,तंटामुक्ती अध्यक्ष संतोष चोरघे, देवस्थान ट्रस्टचे विश्वस्त कैलास चोरघे, बापू चोरघे , भरत चोरघे, दत्तात्रय चोरघे, कांता चोरघे, व ग्रामस्थ मोठ्या संख्येने उपस्थित होते.