गुळुंचे (पुणे) : ताई- माई मास्क वापरा...मास्क न लावता गर्दीच्या ठिकाणी फिरू नका... योग्य शारीरिक अंतर ठेवा आणि खरेदी करताना गर्दी करू नका...असे आवाहन पुरंदर तालुक्यातील नीरा येथील बाजारात मास्क न लावता फिरणाऱ्या नागरिकांना अक्षरशः हात जोडून करण्यात आले.
अनलॉकचा पहिला टप्पा सुरू झाला आणि आठवडे बाजारासह इतर आस्थापना सुरू ठेवण्यास नियमावली घालून देत शासनाने हिरवा कंदील दाखवला आहे. पुणे व सातारा जिल्ह्यांच्या सीमेवर असलेल्या नीरा येथे मोठी बाजारपेठ आहे. येथे बाजारात कायम वर्दळ असते. मात्र, काही नागरिक मास्कचा वापर करत नाहीत. तसेच, शारीरिक अंतरही पाळत नाहीत. त्यामुळे आरोग्य विभाग, स्थानिक ग्रामपंचायत, पोलिस, आशा सेविका जनजागृती करत असून, कोरोना रोखण्यासाठी उपाययोजना केल्या जात आहेत. त्यामुळेच कोरोना अद्यापही गावात आलेला नाही.
मात्र, तरीही मास्क न लावता फिरणाऱ्या नागरिकांना ग्रामसेवक, उपसरपंच, ग्रामपंचायत सदस्य, पोलिस, पोलिस मित्र व आरोग्य विभागाचे कर्मचारी व स्थानिक पत्रकार व ज्युबिलंट कंपनीच्या काही पदाधिकाऱ्यांनी गांधीगिरी करत अक्षरशः हात जोडून, ताई- माई मास्क वापरा...मास्क न लावता गर्दीच्या ठिकाणी फिरू नका...योग्य शारीरिक अंतर ठेवा आणि खरेदी करताना गर्दी करू नका...असे आवाहन केले. तसेच, मास्क नसलेल्या बाजारकरूंना प्रशासनाने मोफत मास्कचे वाटप केले.
मराठमोळ्या रीवाचा जागतिक गौरव
आता दंड करणार
गांधीगिरी करत प्रशासनाने मास्क वापरण्याचे आवाहन केले असले, तरी या पुढे विनामास्क फिरणाऱ्या व्यक्तींना दंड आकाराला जाणार असल्याचे ग्रामपंचायत प्रशासनाकडून सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.