पुणे : आंतरराष्ट्रीय कीर्तीचे पशुवैद्य डॉ. सुरेश गंगावणे (वय ७०) यांचे सोमवारी (ता.८) निधन झाले. गेल्या काही दिवसांपासून ते आजारी होते. खासगी रुग्णालयात त्यांना उपचारासाठी दाखल केले होते. मात्र, आज पहाटे त्यांची दवाखान्यातच प्राणज्योत मालवली. 

त्यांच्या मागे पत्नी, विवाहित मुलगा, मुलगी असा परिवार आहे. आज सकाळी त्यांच्या पार्थिवावर वैकुंठ स्मशानभूमीत अंत्यसंस्कार करण्यात आले.

- 'राष्ट्रवादी'तर्फे निबंध लेखन स्पर्धेचे आयोजन; विद्यार्थ्यांसोबत तज्ज्ञांसाठी सुवर्णसंधी!

मुंबई येथील पशू वैद्यकीय महाविद्यालयातून त्यांनीं पदवी घेतली होती. आपल्या उमेदीच्या कार्यकाळात त्यांनी नाशिक पांजरपोळ, बाएफ आदी ठिकाणी नोकरी केली. स्वतंत्र व्यवसाय करताना कायमच शेतकरी हित डोळ्यासमोर ठेवून कार्य केले.

जनावरांना इंजेक्शन ऐवजी आहारातून तसेच विविध मिनरलद्वारा बरे करता येते, त्यांचे दूध वाढते (गाई, म्हशी, बकरी, मेंढ्या) त्यांची काळजी घेण्यासाठी त्यांनी निरीक्षणातून स्वतःची अशी विशिष्ट अभ्यासशैली बनविली होती. 'दूध दिशा' या पुस्तिकेद्वारा लक्षावधी गो पालक, शेतकरी यांच्यापर्यंत त्यांनी प्रसार केला होता.

- वीजबिल भरणा केंद्रे झाली सुरू; महावितरणने ग्राहकांना केलंय 'हे' आवाहन!

आपल्या कृतीतून शेतकरी परिवाराची काळजी घेणाऱ्या डॉ. गंगावणे यांचा पूर्ण भारतभर वावर होता. जवळपास ४५ वर्षांची प्राणीमात्र सेवा आज थांबली. आजारपणाच्या काळात त्यांचं शेतकऱ्यांना फोनद्वारे मार्गदर्शन चालूच होते.

महानंद या संस्थेवर ते काही काळ सल्लागार म्हणून कार्यरत होते. गोकुळ दूध संघ आणि अन्य अनेक संघ, अनेक संस्था व सहकारी संस्थांना त्यांनी कायम मार्गदर्शन केले. राष्ट्रीय, आंतरराष्ट्रीय परिषदांमध्ये त्यांचा सहभाग होता. शंभराहून अधिक पुरस्कार त्यांना मिळाले होते.

- ताज्या बातम्यांसाठी डाऊनलोड करा ई-सकाळचे ऍप 

- पुण्याच्या बातम्या वाचण्यासाठी येथे  क्लिक करा