वडगाव शेरी - विमाननगर येथील न्याती इम्प्रेस या व्यवसायिक इमारतीतील सहाव्या मजल्यावरील एका कार्यालयाला आज दुपारी साडेचार वाजता आग लागल्याची घटना घडली. पुणे महानगरपालिकेच्या अग्निशामक दलाच्या कर्मचाऱ्यांनी यांत्रिक उंच शिडीचा वापर करून तीन बंबांच्या सहाय्याने दीड तासाच्या प्रयत्नानंतर आग आटोक्यात आणली.
विमाननगर येथे फिनिक्स मॉल जवळ ही व्यवसायिक इमारत आहे. आग लागलेल्या कार्यालयात फर्निचर चे काम सुरू होते. त्यावेळी शॉर्टसर्किट मुळे आग लागल्याचा अंदाज अग्निशामक दलाच्या अधिकाऱ्यांनी व्यक्त केला. या आगीची झळ वरच्या मजल्यावर रिकाम्या कार्यालयालाही बसली.
धुराचे प्रमाण मोठ्या प्रमाणात असल्यामुळे इमारतीच्या काचा फोडून अग्निशामक दलाच्या जवानांनी आग आटोक्यात आणली. सुदैवाने या आगीत कोणतीही जीवित हानी झाली नाही. कार्यालयातील फर्निचरचे आगीमध्ये नुकसान झाले, अशी माहिती अग्निशामक दलाचे सहाय्यक विभागीय अधिकारी रमेश गांगड यांनी दिली.
आग लागल्यानंतर खबरदारीचा उपाय म्हणून संपूर्ण इमारतीमधील इतर व्यावसायिक कार्यालय तातडीने निर्मनुष्य करण्यात आले होते. मुख्य चौकातील इमारतीला आग लागल्यामुळे आग पाहण्यासाठी नागरिकांनी मोठ्या प्रमाणात गर्दी केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.