नुकत्याच पार पडलेल्या टी-20 विश्वचषकात भारतीय क्रिकेट संघाने विजय मिळवला. या विजयानंतर पुण्यामध्ये नागरिकांनी रस्त्यावर उतरत मोठा जल्लोष केला होता.

दरम्यान आता सोशल मीडियावर एक व्हिडिओ व्हायरल होत आहे. ज्यामध्ये वाहतूक नियोजन करणारा पोलीस नागरिकांना बंदुकीने मारहाण करत असल्याचे पाहायला मिळत आहे.

दरम्यान या संपूर्ण घटनेचा व्हिडिओ सोशल मीडियावर व्हायरल होत आहे. यानंतर युजर्सनी या प्रकारावर मोठ्या प्रमाणात टीका केली आहे.

मात्र साम टीव्हीने याबाबतची सत्यता तपासल्यानंतर, नागरिकांना बंदुकीने मारहाण करणारा तरुण एक तोतया पोलीस होता. दरम्यान त्याला फरासखाना पोलिसांनी अटक केली आहे. या तरुणाचे नाव सुशांत पारटे असून, पोलिसांनी त्याच्याविरोधात कायदेशीर कारवाई सुरू केली आहे.