पाटस : दौंड तालुक्यातील कुरकुंभ औद्योगिक वसाहतीला पाणी पुरवठा करणारी जलवाहिनी पाटस येथे भर चौकात फुटल्याचा प्रकार घडला. जलवाहिनीतुन प्रचंड पाणी वाहू लागल्याने अनेकांची तारांबळ उडाली.एका बाजूला पाण्याची भीषण टंचाईची परिस्थिती असताना जलवाहिनीतुन लाखो लिटर पाणी वाया गेल्याने नागरिकांनी संताप व्यक्त केला.
काही दिवसांपूर्वी वरवंड येथील ऐतिहासिक व्हिक्टोरिया तलाव पूर्णतः कोरडा पडला होता.त्यामुळे अनेक गावांना पिण्याच्या पाण्यासाठी संघर्ष करावा लागला.तसेच कुरकुंभ औद्योगिक वसाहती मधील अनेक कंपन्याचा पाणी पुरवठा बंद होता. तलावात पाणी सोडण्यासाठी वरवंड ग्रामपंचायतीच्या वतीने देखील जलसंपदा विभागाला मागणी केली होती.अखेर नियोजीत वेळेत तलावात पाणी सोडण्यात आले.
सध्या तलावात पाण्याचा मोठ्या प्रमाणात साठा झाला.त्यामुळे संबधीत गावांच्या पाणी पुरवठा योजना सुरू करण्यात आल्या.तसेच कुरकुंभ औद्योगिक वसाहतीला जलवाहिनीने पाणी सुरू करण्यात आले.
मात्र, पाटस येथे रविवारी (ता.१२) सायंकाळी साडेसात वाजता जलवाहिनी अचानक फुटली.भर चौकात दुकानाच्या बाजूलाच जलवाहिनी फुटल्याने प्रचंड पाण्याचा प्रवाह सुरू झाला.नागरिकांची अक्षरशः धांदल उडाली.
काही वेळातच लाखो लिटर पाणी रस्त्याने वाहत होते.तालुक्यात एक बाजूला पाण्याची टंचाई असताना दुसरीकडे पाण्याची नासाडी पाहून नागरिकांनी तीव्र संताप व्यक्त केला. या पूर्वीही अनेकदा जलवाहिनी फुटण्याचा प्रकार घडला आहे.मात्र संबधीत विभाग संवेदनशील दिसत नसल्याची भावना काहींनी व्यक्त केली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.