पुणे : त्याला सर्दी, खोकला अन ताप होता, दवाखान्यात गेल्यानंतर कोरोनाच्या पार्श्वभुमीवर खबरदारी म्हणून त्याच्या घशातील द्रवाचे नमूने घेण्यात आले. रुग्णालयात ठेवण्यात आले, पण त्याने कोरोनाच्या भितीपोटी आत्महत्या केली. आज आलेला त्याचा कोरोनाचा अहवाल होता "निगेटीव्ह". तो फक्त एक दिवस थांबला असता तर ! 

पुण्याच्या बातम्या वाचण्यासाठी येथे ► क्लिक करा

खडकी परिसरात राहणाऱ्या एका तरुणास सर्दी, खोकला व ताप अशी लक्षणे होती. त्यामुळे तो गुरुवारी दुपारी रुग्णालयात तपासणीसाठी गेला होता. तेथे त्याचे कोरोना तपासणीसाठी घशातील द्रवाचे नमुने घेऊन ते प्रयोगशाळेकडे पाठवण्यात आले होते. दरम्यान, त्यास श्वास घेण्यास अचानक त्रास होऊ लागल्याने बोपोडी येथील खेडेकर रुग्णालयात हलवण्यात आले.  त्याचा कोरोना तपासणी अहवाल शुक्रवारी येणार होता. मात्र आपल्याला कोरोना झाला आहे, अशी त्यास भिती वाटत होती.

पुण्यातील खव्वयांसाठी महत्वाची बातमी; आधी वाचा मग ऑर्डर करा

दरम्यान गुरुवारी रात्री साडेनऊ वाजता पावसामुळे वीज गेली होती, त्यामुळे काही क्षणात पडलेल्या अंधाराचा फायदा घेऊन हा तरुण रुग्णलयाच्या तिसऱ्या मजल्यावरील टेरेसवर गेला आणि तेथून उडी मारुन त्याने आत्महत्या केली.

ताज्या बातम्यांसाठी डाऊनलोड करा ई-सकाळचे ऍप 

आत्महत्या करणाऱ्या तरुणाचा कोरोना तपासणी अहवाल शुक्रवारी संध्याकाळी आला. त्या तरुणाचा अहवाल "निगेटीव्ह" आल्याचे खडकी पोलिस ठाण्याचे पोलिस निरीक्षक (गुन्हे) शफीक पठाण यांनी सांगितले. "निगेटीव्ह" म्हणजे त्याला कोरोना नव्हता. कोरोना अहवाल दुसऱ्या दिवशी येतो, किमान त्याचा रिपोर्ट काय होता, हे या तरुणाने जाणून घेतले असते, एक दिवस थांबला असता तर कदाचित त्याचा जीव वाचला असता.

सोशल डिस्टंसिंगचं उल्लंघन केल्यावर साफ करावं लागणा टॉयलेट