Pune News : नातेवाइकाच्या मुलीबाबत अपशब्द वापरल्याच्या कारणावरून एका तरुणाचा खून करण्यात आल्याची घटना बिबवेवाडी परिसरात सोमवारी (ता. २५) घडली. बसवराज चिदानंद गजंत्रे (वय २६, रा. आंबेडकरनगर, मार्केट यार्ड) असे खून झालेल्या तरुणाचे नाव आहे.

या प्रकरणी बिबवेवाडी पोलिस ठाण्यात गुन्हा दाखल करण्यात आला आहे. पोलिसांनी दिलेल्या माहितीनुसार, नातेवाइकाच्या मुलीबाबत अपशब्द वापरल्याच्या कारणावरून आरोपीने बसवराज याच्या डोक्यात लोखंडी पाइपने आणि दगडाने मारहाण केली. या मारहाणीत गंभीर जखमी झाल्यामुळे तरुणाचा मृत्यू झाला. पुढील तपास पोलिस निरीक्षक (गुन्हे) मनोजकुमार लोंढे करीत आहेत.