नवी दिल्ली : शेअर बाजारातील तेजी आणणाऱ्या किरकोळ गुंतवणूकदारांची संख्या (डीमॅट अकाऊंट) एका वर्षात ४.०३ कोटी इतकी (३१.२३ टक्के) वाढली आहे. यातील १.२८ कोटी गुंतवणूकदार बिहार, मध्य प्रदेश, राजस्थान आणि उत्तर प्रदेशातील आहेत; तर तमिळनाडून, कर्नाटक, केरळ, तेलंगण या राज्यातील गुंतवणूकदारांची संख्या केवळ ५२.१० लाखांनी वाढली आहे.
उत्तर प्रदेशात गुंतवणूकदारांची एकूण संख्या वाढून १.८१ कोटी झाली आहे. यानंतर उत्तर प्रदेश गुंतवणूकदारांच्या संख्येचे महाराष्ट्रानंतरचे दुसरे राज्य बनले आहे. महाराष्ट्रात एकूण ३.१९ कोटी गुंतवणूकदार आहेत, तर गुजरातमध्ये १.६० कोटी गुंतवणूकदार आहेत.
दरम्यान, तीन वर्षांत डीमॅट अकाउंटची संख्या तीनपटीने वाढली आहे. २०२१ मध्ये ही संख्या ५.४४ कोटी होती, ती आता १६.९६ कोटी झाली आहे. पुढील बारा महिन्यांत ही संख्या २० कोटींपर्यंत जाण्याची शक्यता मेहता इक्विटीजचे डायरेक्टर प्रशांत भन्साली यांनी व्यक्त केली.
गेल्या एक वर्षात सेन्सेक्समध्ये २० टक्के तेजी पाहायला मिळाली. एक वर्षाआधी म्हणजे २८ एप्रिल २०२३ ला सेन्सेक्स ६१,११२ अंकांवर होता. तो आता ७३,७३० अंकांवर पोहोचला आहे. येणाऱ्या काळात यात अधिक वाढ होणार असल्याचे तज्ज्ञांचे मत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.