पुणे : बँक ऑफ महाराष्ट्रकडून २०२३-२४ या आर्थिक वर्षासाठी जाहीर केलेल्या रु. ८५७.१६ कोटी रकमेच्या लाभांशाचा धनादेश केंद्रीय अर्थमंत्री निर्मला सीतारामन यांच्याकडे नुकताच सादर करण्यात आला.
बँकेचे व्यवस्थापकीय संचालक व मुख्य कार्यकारी अधिकारी निधू सक्सेना यांनी अर्थमंत्र्यांकडे हा धनादेश सुपूर्त केला. यावेळी बँकेचे कार्यकारी संचालक आशिष पांडे आणि एनबीसीए व्हर्टिकल प्रभारी संतोष दुलार यांच्यासह केंद्र सरकारच्या आर्थिक सेवा विभागाचे सचिव विवेक जोशी उपस्थित होते.
बँक ऑफ महाराष्ट्रने आर्थिक वर्ष २०२४ साठी प्रत्येक समभागामागे रु. १.४० (१४ टक्के) लाभांश जाहीर केला होता. या लाभांशामुळे गेल्या आर्थिक वर्षातील बँक ऑफ महाराष्ट्राची सर्वोत्तम कामगिरी प्रतिबिंबित होते.
२०२३ मधील रु. २६०२ कोटींच्या निव्वळ नफ्याच्या तुलनेत २०२४ मध्ये बँकेच्या निव्वळ नफ्यात ५५.८४ टक्के वाढ होऊन तो रु. ४०५५ कोटींवर पोचला. महाबँक सातत्याने सर्वोत्तम कामगिरीची नोंद करीत असून, एकूण व्यवसाय व ठेव संकलनात बँकेने सार्वजनिक बँकिंग क्षेत्रातील सर्व बँकांमध्ये प्रथम क्रमांक मिळविला आहे. २०२३-२४ मध्ये बँकेने आपल्या एकूण व्यवसायात १५.९४ टक्के, तर ठेव संकलनात १५.६६ टक्के वाढ नोंदविली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.