Budget 2024-25 Science and Technology Update : अर्थमंत्री निर्मला सीतारामन आज लोकसभेमध्ये अर्थसंकल्प सादर करीत आहेत या अर्थसंकल्पामध्ये त्यांनी तंत्रज्ञान क्षेत्रासाठी मोठी घोषणा केली. मोबाइल फोन आणि चार्जरवरील मूलभूत सीमाशुल्कात मोठी कपात जाहीर केली आहे. यामुळे आता मोबाइल उपकरणे आणि घटकांवर लागणारे शुल्क केवळ १५% राहील.मोबाईलचे सुटे भागही आता स्वस्त होणार आहेत.

निर्मला सीतारामन म्हणाल्या, "गेल्या सहा वर्षांत देशांतर्गत उत्पादनात तिप्पट वाढ झाली असून, मोबाइल फोन निर्यातीत शंभर पट वाढ झाली आहे. या विकासामुळे भारतीय मोबाइल उद्योगाने ग्राहकांच्या हितासाठी परिपक्वता मिळवली आहे. त्यामुळे आता मोबाइल फोन, मोबाइल पीसीबीए आणि मोबाइल चार्जरवरील सीमाशुल्क १५% करण्याचा प्रस्ताव आहे."

अर्थसंकल्पीय भाषणात सीतारामन यांनी भारतीय मोबाइल उद्योगाच्या वाढीचा आणि ग्राहकांच्या फायद्याचा विशेष उल्लेख केला. या निर्णयामुळे देशांतर्गत उत्पादनास चालना मिळेल आणि आयातीवरील अवलंबित्व कमी होण्यास मदत होईल, असा विश्वास व्यक्त करण्यात आला आहे.