Hurun list of 200 Self-made Entrepreneurs : डी-मार्टचे संस्थापक राधाकिशन दमाणी हे मिलेनिया 2023 च्या टॉप 200 सेल्फ-मेड आंत्रप्रन्योरच्या यादीत आघाडीवर आहेत. त्यांचे मार्केट कॅप 2.38 लाख कोटी रुपये आहे.
30 नोव्हेंबर रोजी प्रसिद्ध झालेल्या IDFC फर्स्ट प्रायव्हेट हुरुन इंडियाच्या अहवालात असे म्हटले आहे की त्यांच्यानंतर ई-कॉमर्स कंपनी फ्लिपकार्टचे संस्थापक बिन्नी बन्सल आणि सचिन बन्सल यांची नावे आहेत.
या यादीत झोमॅटोचे दीपिंदर गोयल आणि ड्रीम 11 चे प्रवर्तक भावित शेठ आणि हरीश जैन यांचाही समावेश आहे, ज्यांचे मार्केट कॅप 86,835 कोटी आहे.
या यादीतील 10 कंपन्यांमध्ये 8 स्टार्टअप आहेत. या यादीत 405 संस्थापकांचा समावेश आहे ज्यांनी 2000 पासून भारतात कंपन्या स्थापन केल्या आहेत. यादीतील 56 टक्क्यांहून अधिक संस्थापकांनी अभियांत्रिकीचे शिक्षण घेतले आहे, तर 10 चार्टर्ड अकाउंटंट आहेत आणि 7 डॉक्टर आहेत.
यादीत समाविष्ट असलेले 38 संस्थापक आयआयटी दिल्लीचे पदवीधर आहेत. त्यापाठोपाठ 24 उद्योजक IIT मुंबई आणि 20 उद्योजक IIT खरगपूरमधील आहेत.
यादीत समाविष्ट असलेल्या सर्व कंपन्यांचे एकूण मूल्य 30 लाख कोटी रुपये आहे, जे डेन्मार्कच्या जीडीपीएवढे आहे. कैवल्य वोहरा (21 वर्षे), किराणा वितरण अॅप झेप्टोचे सह-संस्थापक, या यादीतील सर्वात तरुण उद्योजक आहेत.
Nykaa कंपनीच्या फाल्गुनी नायर या यादीत आहेत. यादीतील सर्वात तरुण महिला ममार्थच्या गझल अलघ आणि विंजोच्या सौम्या सिंह राठौर आहेत. यादीतील उद्योजकांची सर्वाधिक संख्या बेंगळुरू (129), त्यानंतर मुंबई (78), गुरुग्राम आणि नवी दिल्ली (49) येथील आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.