Air Traffic: देशात विमान वाहतूक प्रवाशांच्या संख्येत मोठी वाढ झाली आहे. नागरी विमान वाहतूक महासंचालनालयाचे (DGCA) जारी केलेल्या आकडेवारीनुसार, जानेवारी ते ऑगस्ट 2023 या कालावधीत देशांतर्गत प्रवाशांची संख्या 1006.16 लाख होती.
जी मागील वर्षी याच कालावधीत 770.70 लाख होती. त्यामुळे देशातील प्रवाशांच्या संख्येतील वार्षिक वाढ 30.55 टक्के आणि मासिक वाढ 22.81 टक्के झाली आहे.
मे महिन्यात 132.14 लाख प्रवाशांनी विमानाने प्रवास केला. त्यांनी वार्षिक 36.10 टक्के आणि 15.24 टक्के मासिक वाढ नोंदवली.
मे 2023 दरम्यान, नियोजित देशांतर्गत विमान कंपन्यांकडून एकूण 556 प्रवाशांशी संबंधित तक्रारींची नोंद झाली होती. मे 2023 मध्ये प्रति 10,000 प्रवाशांच्या तक्रारींची संख्या 0.42 टक्के होती.
कोणत्या एअरलाइन्सचा सर्वाधिक वाटा?
ऑगस्ट 2023 मध्येही भारतीय विमान बाजारपेठेत इंडिगोचे वर्चस्व दिसून आले. इंडिगोचा बाजाराती वाटा ऑगस्ट 2023 मध्ये सर्वाधिक 63.3 टक्के होता, जो जुलैमध्ये 63.4 टक्के होता.
यानंतर विस्तारा एअरलाइन्सचा बाजारातील वाटा जुलै 2023 मध्ये 8.4 टक्क्यांवरून ऑगस्टमध्ये 9.8 टक्क्यांपर्यंत वाढला. स्पाइसजेटचा बाजारातील वाटा ऑगस्टमध्ये वाढून 4.4 टक्के झाला, जो जुलैमध्ये 4.2 टक्के होता.
दुसरीकडे, AirAsia चा बाजारातील वाटा जुलैमधील 9.9 टक्क्यांच्या तुलनेत ऑगस्टमध्ये 9.8 टक्क्यांवर घसरला, एअर इंडियाचा बाजारातील वाटा जुलैमधील 7.5 टक्क्यांच्या तुलनेत ऑगस्टमध्ये 7.1 टक्क्यांवर घसरला आणि Akasa Air चा बाजारातील वाटा ऑगस्टमध्ये 4.2 टक्क्यांवर घसरला.
एअर इंडिया, विस्तारा आणि एअर एशियाचे संचालन करणार्‍या टाटा समूहाचा भारतीय विमान उद्योगात एकूण 26.7 टक्के वाटा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.