Rules Changing From 1st October: प्रत्येक नवीन महिन्यामध्ये अनेक आर्थिक नियम बदलतात. ज्याचा थेट परिणाम सर्वसामान्यांच्या जीवनावर होतो. आता सप्टेंबर महिना संपत आला आहे आणि ऑक्टोबर सुरू होणार आहे. या काळात गॅस सिलिंडर आणि आधार कार्डपासून ते अल्पबचत योजनेपर्यंत अनेक नियम बदलणार आहेत. पुढील महिन्यात कोणते 10 नियम बदलणार ते जाणून घेऊया.
एलपीजी सिलिंडरची किंमत दर महिन्याच्या 1 तारखेला बदलली जाते. तेल कंपन्या या वेळीही 1 ऑक्टोबरपासून नवीन दर लागू करतील. सणासुदीच्या काळात तुम्हाला स्वस्त गॅस सिलिंडरची भेट दिली जाण्याची अपेक्षा आहे.
आयकर रिटर्न (ITR) भरताना किंवा पॅनसाठी अर्ज करताना लोकांना आधार क्रमांकाऐवजी त्यांचा आधार नावनोंदणी आयडी वापरण्याची परवानगी नसणार आहे.
1 ऑक्टोबरपासून विना तिकीट प्रवास करणाऱ्यांविरोधात रेल्वे विशेष तिकीट तपासणी मोहीम सुरू करणार आहे. सणासुदीच्या काळात प्रवाशांची संख्या वाढल्याने ही कारवाई करण्यात येत आहे.
पोस्ट ऑफिस खात्यावरील व्याजदरही 1 ऑक्टोबरपासून बदलणार आहेत. नॅशनल स्मॉल सेव्हिंग्ज स्कीम खात्यांवरील व्याजदरातील बदल तुमच्या व्याज उत्पन्नावर परिणाम करू शकतात.
दर महिन्याच्या पहिल्या दिवशी, ऑइल मार्केटिंग कंपन्या (OMCs) ATF, CNG आणि PNG चे दर बदलतात. सप्टेंबरमध्ये एटीएफच्या दरात कपात करण्यात आली होती.
SEBI ने बोनस शेअर्सचे ट्रेडिंग सोपे करण्यासाठी एक नवीन फ्रेमवर्क तयार केले आहे. 1 ऑक्टोबरपासून बोनस शेअर्सचे ट्रेडिंग T+2 पद्धतीने होईल. यामुळे रेकॉर्ड डेट आणि ट्रेडिंगमधील वेळ कमी होईल. याचा फायदा भागधारकांना होईल.
वित्त मंत्रालयाने राष्ट्रीय लघु बचत योजना अंतर्गत चुकीच्या पद्धतीने उघडलेल्या खात्यांबाबत मार्गदर्शक तत्त्वे जारी केली आहेत. आता PPF आणि सुकन्या समृद्धी सारखी खाती वित्त मंत्रालयाकडून नियमित केली जातील. यामुळे भविष्यात तुम्हाला अडचणींचा सामना करावा लागणार नाही.
फ्युचर्स अँड ऑप्शन्स (F&O) ट्रेडिंगवरील सुरक्षा व्यवहार करामध्ये (STT) देखील बदल होणार आहे. 1 ऑक्टोबरपासून ऑप्शन्स विक्रीवरील STT 0.1% पर्यंत वाढेल, जो पूर्वी 0.0625% होता. त्यामुळे व्यापाऱ्यांना खरेदी-विक्रीच्या पर्यायांमध्ये काही अतिरिक्त खर्च सहन करावा लागणार आहे. याचा परिणाम डेरिव्हेटिव्ह बाजारावर होणार आहे.
CBDT ने जाहीर केले आहे की 'विवाद से विश्वास योजना 2024' 1 ऑक्टोबरपासून लागू केली जाईल. त्याच्या मदतीने आयकराशी संबंधित वाद मिटवले जातील. न्यायालये आणि न्यायाधिकरणांसमोर प्रलंबित प्रकरणे निकाली काढली जातील.
एचडीएफसी बँकेच्या क्रेडिट कार्डच्या लॉयल्टी प्रोग्राममध्ये 1 ऑक्टोबरपासून बदल होणार आहे. बँकेने आपल्या स्मार्टबाय प्लॅटफॉर्मवर Apple उत्पादनांसाठी रिवॉर्ड पॉइंट रिडीम करण्याचे नियम बदलले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.