Indian Economy: भारतात तिसऱ्यांदा पंतप्रधान नरेंद्र मोदी यांच्या नेतृत्वाखालील भाजपचे सरकार स्थापन झाल्यानंतर अनेक संस्थांनी जीडीपी वाढीचा अंदाज वाढवला आहे. फिच रेटिंगने मंगळवारी चालू आर्थिक वर्ष 2024-25 साठी भारताचा आर्थिक वाढीचा अंदाज 7.2 टक्क्यांपर्यंत वाढवला आहे. मार्चमध्ये त्यांनी तो सात टक्के असल्याचा अंदाज व्यक्त केला होता. रेटिंग एजन्सीने ग्राहक खर्चात सुधारणा आणि गुंतवणुकीतील वाढीचा हवाला देत अंदाज सुधारित केला आहे. फिचने 2025-26 आणि 2026-27 या आर्थिक वर्षांसाठी अनुक्रमे 6.5 टक्के आणि 6.2 टक्के वाढीचा अंदाज व्यक्त केला आहे.
फिचने आपल्या ग्लोबल इकॉनॉमिक आउटलुक अहवालात म्हटले आहे की, "आम्ही अंदाज लावला आहे की भारतीय अर्थव्यवस्था 2024-25 या आर्थिक वर्षात 7.2 टक्क्यांनी वाढेल." फिचचा अंदाज हा आरबीआयच्या अंदाजानुसार आहे.
रिझर्व्ह बँक ऑफ इंडिया (RBI) ने या महिन्याच्या सुरुवातीला ग्रामीण भागातील मागणीत सुधारणा आणि महागाई कमी झाल्यामुळे चालू आर्थिक वर्षात भारतीय अर्थव्यवस्था 7.2 टक्के दराने वाढेल असा अंदाज व्यक्त केला होता.
रेटिंग एजन्सीने सांगितले की गुंतवणूक वाढत राहील, परंतु अलीकडील तिमाहींपेक्षा वाढ मंद असेल, तर ग्राहकांचा आत्मविश्वास वाढल्याने ग्राहक खर्चात सुधारणा होईल. खरेदी व्यवस्थापकांच्या सर्वेक्षणातील डेटा चालू आर्थिक वर्षाच्या सुरुवातीस वाढ दर्शवत होता.
रेटिंग एजन्सीने म्हटले आहे की गुंतवणूक वाढत राहील परंतु ही वाढ अलीकडील तिमाहीच्या तुलनेत कमी असेल.
ग्राहकांचा आत्मविश्वास वाढल्याने ग्राहक खर्चात सुधारणा होईल.
चालू आर्थिक वर्षाच्या सुरुवातीला खरेदी व्यवस्थापकांच्या सर्वेक्षणाचा डेटा सतत वाढीकडे निर्देश करतो.
आगामी मान्सून हंगाम आर्थिक विकासाला चालना देईल आणि महागाई कमी होईल.
फिचने म्हटले आहे की अलीकडे तीव्र उष्णतेचा धोका निर्माण झाला आहे, ज्यामुळे काही क्षेत्रांवर देखील दबाव येईल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.