Gold And Silver Latest RAte| सध्या जागतिक स्तरावर अस्थिर वातावरण आहे. त्यामुळे गुंतवणुकीसाठी सोने व चांदीकडे ग्राहकांचा कल वाढला आहे. शनिवारी (ता. २८) सोने प्रति १० ग्रॅम ७८ हजार ३८३ रुपये (जीएसटीसह) आणि चांदी प्रतिकिलो ९७ हजार ६५० (जीएसटीसह) रुपयांपर्यंत जाऊन पोचली आहे.
सध्या पितृपक्ष सुरू आहे. यात शुभकार्य केले जात नाही. सोबतच काही वस्तू खरेदीलाही हा काळ योग्य नसल्याचे अनेकांचे म्हणणे आहे. त्यामुळे शहरातील सराफा व्यवसायात सध्या दागिन्यांची मागणी तीस ते चाळीस टक्के कमी झाली आहे. नवरात्रोत्सवापासून दागिने खरेदी केले जातील. आणखी दर वाढण्याच्या शक्यतेने सध्या गुंतवणूकदार सक्रिय झाले आहेत. यंदा चांदीच्या दरात महिनाभरात आठ हजारांची वाढ झाली. ३० ऑगस्टला चांदी ८५ हजार रुपये (प्रतिकिलो) होती. आज चांदी ९३ हजारांवर पोचली आहे. जीएसटीसह चांदी ९७ हजार ६५० रुपयांवर पोचली आहे.
जागतिक स्तरावर युद्ध सुरू असून, हे सध्यातरी थंड होण्याचे कोणतेही चिन्ह दिसत नाही. गुंतवणूकदारांना या काळात सोने-चांदीत गुंतवणुकीची मोठी संधी आहे. दसरा दिवाळीत सोने, दरात मोठी वाढ होऊ शकते.
■ ता. ३० ऑगस्टला सोने ७३ हजार रुपयांना (प्रति १० ग्रॅम) होते. मागील २८ दिवसांत सोन्याच्या दरात चार हजार ५०० रुपयांची तेजी आली. आज शनिवारी (ता. २८) ७६ हजार १०० रुपये दर होता. तीन टक्के जीएसटीसह सोने ७८ हजार ३८३ वर पोचले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.