Gold Price Outlook: अमेरिकेचे फेडरल रिझर्व्ह लवकरच आपल्या व्याजदरात कपात करेल अशी अटकळ बऱ्याच दिवसांपासून होती. बुधवारी अमेरिकेच्या फेडरल रिझर्व्हने आपल्या व्याजदरात 50 बेस पॉइंट्स म्हणजेच 0.50 टक्के कपात करण्याची घोषणा केली.
विशेष म्हणजे कोरोनानंतर फेडरल बँक ऑफ अमेरिकाने महागाईवर नियंत्रण ठेवण्यासाठी व्याजदरात वाढ केली होती. व्याजदरात वाढ केल्यानंतर फेडरल रिझर्व्हने व्याजदरात कपात करण्याची ही पहिलीच वेळ आहे.
फेडरल रिझर्व्हच्या या घोषणेचा परिणाम जगभरात दिसून येत आहे. याचा परिणाम सोन्याच्या भावावर होऊ शकतो आणि किमतीत वाढ होण्याची शक्यता आहे. याबाबत माहिती देताना कामा ज्वेलरीचे कॉलिन शाह म्हणाले की, अमेरिकेच्या फेडरल रिझर्व्हने व्याजदरात कपात केल्याने सोन्याच्या किमतींवर निश्चितच परिणाम होईल.
चार वर्षांच्या उच्च व्याजदरानंतर, फेडरल रिझर्व्हने व्याजदरात अपेक्षेपेक्षा 50 बेस पॉइंट्सने कपात केली आहे. कॉलिन शाह यांच्या म्हणण्यानुसार, अमेरिकेतील बेरोजगारीच्या दरात घट झाल्यानंतर ही कपात करण्यात आली आहे.
कॉलिन शाह यांच्या मते, फेडरल रिझर्व्हच्या व्याजदर कपातीच्या निर्णयाचा परिणाम सोन्याच्या किमतीवर लगेच दिसून येत आहे. तेव्हापासून सोन्याच्या दरात वाढ होताना दिसत आहे, पण याकडे सकारात्मक दृष्टीकोनातून पाहण्याची गरज आहे.
व्याजदर कपातीच्या निर्णयानंतर सोन्याचा भाव नवा उच्चांक गाठू शकतो. अशा परिस्थितीत तुम्ही सोन्यात गुंतवणूक करण्याचा विचार करत असाल तर भविष्यात तुम्हाला चांगला परतावा मिळू शकतो.
कॉलिन शाह यांनी भारतातील प्रभावाबाबतही माहिती दिली. येत्या काही दिवसांत भारतात सणासुदीला सुरुवात होणार असल्याचे ते म्हणाले. नवरात्र, धनत्रयोदशी आणि दिवाळीला लोक मोठ्या प्रमाणावर सोन्याची खरेदी करतात.
यानंतर लग्नाच्या मोसमात सोन्याची मागणीही वाढते. कॉलिन शाह यांच्या म्हणण्यानुसार, सोन्याच्या दरात वाढ झाल्यामुळे सोन्याच्या मागणीवर कोणताही परिणाम होणार नाही.
नेहमीप्रमाणे या सणासुदीतही भारतीय लोक मोठ्या प्रमाणावर सोन्याची खरेदी करतील. या सणासुदीच्या हंगामात सोन्याच्या मागणीत 10 ते 15 टक्क्यांनी वाढ होऊ शकते, अशी त्यांना आशा आहे. मात्र, सध्या 15 दिवस चालणाऱ्या पितृपक्षात सोन्याच्या मागणीत नक्कीच घट होणार आहे.
कॉलिन शाह यांच्या मते, फेडरल रिझर्व्हने व्याजदरात केलेल्या कपातीचा निश्चितपणे आंतरराष्ट्रीय बाजारावर परिणाम होईल आणि त्याची किंमत 2650 प्रति औंस डॉलरपर्यंत पोहोचू शकते. देशांतर्गत बाजारात सोन्याचा भाव सणासुदीपर्यंत 78,000 रुपये प्रति 10 ग्रॅमपर्यंत पोहोचण्याची शक्यता आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.