Gold-Silver Rate Today 11 April 2024: जागतिक बाजारातील वाढीमुळे दिल्लीच्या सराफा बाजारात सोन्या-चांदीच्या भावांनी बुधवारी सलग तिसऱ्या सत्रात नवीन विक्रमी पातळी गाठली. तेजीच्या या काळात सोन्याचा भाव प्रथमच 72,000 रुपये प्रति 10 ग्रॅमवर पोहोचला आहे. एचडीएफसी सिक्युरिटीजने ही माहिती दिली आहे.
दिल्लीत सोन्याचा भाव 160 रुपयांनी वाढून 72,000 रुपये प्रति 10 ग्रॅमवर पोहोचला. मंगळवारी हा विक्रम 71,840 रुपये प्रति 10 ग्रॅमवर बंद झाला. तसेच चांदीचा भाव 200 रुपयांनी वाढून विक्रमी 84,700 रुपये प्रतिकिलो झाला आहे.
एचडीएफसी सिक्युरिटीजमधील कमोडिटीजचे वरिष्ठ विश्लेषक सौमिल गांधी यांनी सांगितले की, विदेशी बाजारातील तेजीमुळे दिल्लीच्या बाजारात सोन्याचे (24 कॅरेट) भाव 160 रुपयांनी वाढून 72,000 रुपये प्रति 10 ग्रॅम या पातळीवर व्यवहार करत आहेत.
मोतीलाल ओसवाल फायनान्शिअल सर्व्हिसेसचे कमोडिटी रिसर्चचे वरिष्ठ उपाध्यक्ष नवनीत दमानी यांनी सांगितले की, भू-राजकीय तणाव आणि यूएस ग्राहक किंमत निर्देशांकावर आधारित चलनवाढ आणि मार्चमधील व्याजदर यामुळे सोने आणि चांदी सार्वकालिक उच्चांकावर आहे. सोन्याला मागणी कायम आहे.
सोन्याची शुद्धता ओळखण्यासाठी आयएसओ (इंडियन स्टँडर्ड ऑर्गनायझेशन) द्वारे हॉल मार्क दिले जातात. 24 कॅरेटवर 999, 23 कॅरेटवर 958, 22 कॅरेटवर 916, 21 कॅरेटवर 875 आणि 18 कॅरेटवर 750 लिहीलेलं असतं.
बहुतेक सोने 22 कॅरेटमध्ये विकले जाते, तर काही लोक 18 कॅरेट देखील वापरतात. सोने 24 कॅरेट पेक्षा जास्त विकलं जातं. कॅरेट जितके जास्त असेल तितके अधिक शुद्ध सोने म्हटले जाते.(How to determine purity of gold
सोने खरेदी करताना लोकांनी त्याची गुणवत्ता लक्षात घेतली पाहिजे. हॉलमार्क चिन्ह पाहिल्यानंतरच खरेदी करावी.
सोन्याची सरकारी हमी असते, ब्युरो ऑफ इंडियन स्टँडर्ड्स (BIS) हॉलमार्क ठरवते. हॉलमार्किंग योजना ब्यूरो ऑफ इंडियन स्टँडर्ड्स अॅक्ट, नियम आणि नियमन अंतर्गत कार्य करते.
24 कॅरेट सोने 99.9% शुद्ध आहे आणि 22 कॅरेट अंदाजे 91% शुद्ध असतं. 22 कॅरेट सोन्यात तांबे, चांदी, जस्त यांसारख्या 9% इतर धातूंचे मिश्रण करून दागिने तयार केले जातात. 24 कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार 22 कॅरेटमध्ये सोने विकतात. ( What is the difference between 22 and 24 carats? )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.