Gold Silver Price: जर तुम्ही लग्नासाठी सोने-चांदी खरेदी करण्याचा प्लॅन बनवला असेल, तर आजच सोने-चांदी खरेदी करा, कारण शुक्रवारी सोन्या-चांदीच्या भावात घसरण झाली आहे.

मौल्यवान दागिने खरेदी करणाऱ्यांसाठी ही दिलासादायक बाब आहे. सोने 220 रुपयांनी स्वस्त झाले आहे, तर चांदी 100 रुपयांनी स्वस्त झाली आहे.

सराफा बाजारानुसार 24 कॅरेट आणि 22 कॅरेट सोन्याच्या भावात थोडीशी घसरण झाली आहे. शुक्रवारी 24 कॅरेट सोन्याचा भाव 220 रुपयांनी घसरून 61,350 रुपये प्रति 10 ग्रॅम झाला.

22 कॅरेट सोने 200 रुपयांनी स्वस्त होऊन 56,250 रुपये प्रति 10 ग्रॅम झाले. यापूर्वी, सोन्याचा भाव 61,750 रुपये (24 कॅरेट) आणि 56,450 रुपये (22 कॅरेट) वर स्थिर होता.

चांदीच्या भावात घसरण:

सराफा बाजारानुसार, शुक्रवारी चांदी स्वस्त झाली आहे. 999 शुद्धतेची चांदी 100 रुपयांनी स्वस्त झाली आहे. 74,500 रुपये प्रति किलोवर चांदी व्यवहार करत आहे. यापूर्वी चांदीचे भाव स्थिर होते. गुरुवारी चांदीचा भाव 74,600 रुपये होता.

सोन्याची शुद्धता कशी जाणून घ्यावी-

सोन्याची शुद्धता ओळखण्यासाठी आयएसओ (इंडियन स्टँडर्ड ऑर्गनायझेशन) द्वारे हॉल मार्क दिले जातात. 24 कॅरेटवर 999, 23 कॅरेटवर 958, 22 कॅरेटवर 916, 21 कॅरेटवर 875 आणि 18 कॅरेटवर 750 लिहीलेलं असतं.

बहुतेक सोने 22 कॅरेटमध्ये विकले जाते, तर काही लोक 18 कॅरेट देखील वापरतात. सोने 24 कॅरेट पेक्षा जास्त विकलं जातं. कॅरेट जितके जास्त असेल तितके अधिक शुद्ध सोने म्हटले जाते.

22 आणि 24 कॅरेटमध्ये काय फरक आहे?

24 कॅरेट सोने 99.9% शुद्ध आहे आणि 22 कॅरेट अंदाजे 91% शुद्ध असतं. 22 कॅरेट सोन्यात तांबे, चांदी, जस्त यांसारख्या 9% इतर धातूंचे मिश्रण करून दागिने तयार केले जातात. 24 कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार 22 कॅरेटमध्ये सोने विकतात.

हॉलमार्क (Hallmark)-

सोने खरेदी करताना लोकांनी त्याची गुणवत्ता लक्षात घेतली पाहिजे. हॉलमार्क चिन्ह पाहिल्यानंतरच खरेदी करावी.

सोन्याची सरकारी हमी असते, ब्युरो ऑफ इंडियन स्टँडर्ड्स (BIS) हॉलमार्क ठरवते. हॉलमार्किंग योजना ब्यूरो ऑफ इंडियन स्टँडर्ड्स अॅक्ट, नियम आणि नियमन अंतर्गत कार्य करते.

नवा नियम:

केंद्र सरकारने सोन्याच्या दागिन्यांच्या विक्रीच्या नियमांमध्ये बदल करताना 1 एप्रिल 2023 पासून कोणत्याही सोन्याच्या दागिन्यांवर 6-अंकी हॉलमार्क युनिक आयडेंटिफिकेशन नंबर (HUID) असणे आवश्यक आहे.

मार्चमध्ये माहिती देताना भारतीय मानक ब्युरो (BIS) ने म्हटले होते की, नवीन आर्थिक वर्षात कोणताही दुकानदार 6 अंकी हॉलमार्क युनिक आयडेंटिफिकेशन (HUID) शिवाय सोन्याचे दागिने विकू शकणार नाही.