मुंबई : विमा कंपनी ‘आयसीआयसीआय लोम्बार्ड’ने देशातील पहिली लघु वित्त बँक असलेल्या कॅपिटल स्मॉल फायनान्स बँकेशी बँक इन्शुरन्स कॉर्पोरेट एजन्सीसाठी सहकार्य करार केला आहे. बँकेच्या वित्तीय पर्यायांचा अधिकाधिक विस्तार करणे आणि ग्राहकांना सर्वसाधारण विमा योजनांची वैविध्यपूर्ण श्रेणी प्रदान करणे आहे, हे या भागीदारीचे उद्दिष्ट आहे.

‘आयसीआयसीआय लोम्बार्ड’ला ग्राहकाभिमुख व नाविन्यपूर्ण विमा योजना ग्राहकांना सादर करणे शक्य होणार आहे. कॅपिटल स्मॉल फायनान्स बँक या भागीदारीआधारे आरोग्य, वाहन, घर, प्रवास आणि ग्रामीण विमा यासह ‘आयसीआयसीआय लोम्बार्डच्या सर्वसमावेशक विमा योजनांच्या प्रकारांचे वितरण करण्यासाठी आपले विस्तृत बँकींग जाळे तसेच विस्तृत ग्राहकसंख्येच्या आधाराचा लाभ घेणार आहे.

‘आयसीआयसीआय लोम्बार्ड’चे रिटेल आणि गर्व्हमेंट विभागाचे प्रमुख आनंद सिंघी आणि कॅपिटल स्मॉल फायनान्स बँकेचे एमडी आणि सीईओ सर्वजित सिंग समरा यांनी ही धोरणात्मक भागीदारी दोन्ही संस्थांना लाभदायक ठरेल, असा विश्वास व्यक्त केला आहे.