नवी दिल्ली : सहकारी तत्त्वावरील जगभरातील सर्वोच्च ३०० कंपन्यांमध्ये भारताच्या द इंडियन फार्मर्स फर्टिलायजर को-ऑपरेटीव्ह लि.ने (इफको) प्रथम स्थान मिळवले आहे.

सलग दुसऱ्या वर्षी कंपनीने हे स्थान अबाधित ठेवले आहे. ही क्रमवारी दरडोई एकूण देशांतर्गत उत्पादनावर (जीडीपी) आधारित उलाढालीवर निश्चित केली जाते. इफको देशाच्या जीडीपी आणि आर्थिक वाढीमध्ये लक्षणीय योगदान देत आहे.

इंटरनॅशनल कोऑपरेटिव्ह अलायन्सने प्रकाशित केलेल्या १२ व्या वार्षिक वर्ल्ड कोऑपरेटिव्ह मॉनिटर (डब्ल्यूसीएम) अहवालाच्या २०२३ च्या आवृत्तीनुसार इफको एकूण उलाढालीच्या क्रमवारीत गेल्या आर्थिक वर्षात ९७ व्या स्थानावरून ७२ व्या स्थानावर पोहोचली असून, आत्मनिर्भर भारत आणि आत्मनिर्भर कृषीच्या दिशेने वाटचाल करत आहे.